6 ఏళ్ళ క్రితం వచ్చిన ‘చెన్నై ఎక్స్ ప్రెస్’ సినిమా తరువాత మరో హిట్టందుకోలేదు బాలీవుడ్ బాద్ షా షారుఖ్ ఖాన్. వరుస డిజాస్టర్లతో ఈయన మార్కెట్ బాగా డౌన్ అయ్యింది. ఎన్నో ఆశల పెట్టుకుని చేసిన ‘జీరో’ చిత్రం కూడా నిరాశనే మిగిల్చింది. కనీసం గెస్ట్ రోల్ చేసిన సల్మాన్ ఖాన్ ‘ట్యూబ్ లైట్’ చిత్రం కూడా ప్లాపవ్వడంతో ఈ బాలీవుడ్ బాద్ షా కు టైం బాగోలేదని స్పష్టమవుతుంది. దీంతో ఇప్పుడు సినిమాలకు గ్యాప్ ఇచ్చాడు షారుఖ్. ఒక్క సినిమా కూడా సైన్ చేయలేదు. రాకేష్ శర్మ బయోపిక్ ‘సారే జహాసే అచ్చా’లో నటిస్తాడని అంతా అనుకున్నప్పటికీ అది కూడా పక్కన పెట్టేశాడని తెలుస్తుంది.
అయితే ‘డాన్ 3’ చిత్రంతో షారుఖ్ తమ ముందుకు వస్తాడని ఫ్యాన్స్ ఎంతో ఆశిస్తుండగా.. వారి ఆశల పై నీళ్ళు జల్లేసాడు. తాజాగా ఇచ్చిన ఓ ఇంటర్వ్యూలో షారుఖ్ మాట్లాడుతూ.. “నేనిప్పటివరకూ ఒక్క సినిమా కూడా సైన్ చేయలేదు. కొద్దిరోజుల వరకూ సినిమాలు చేయను. తరచూ సినిమాలు చేయడం, అవి విడుదలైన వెంటనే మరో సినిమాకు రెడీ అవ్వడం.. ఇదే తన జీవితంలో ఇంతకాలం జరిగింది. కుటుంబంతో గడిపే టైం అస్సలు దొరకలేదు. ఇప్పుడు నా పిల్లలు కాలేజీ స్టేజ్ కి వచ్చారు.. వారితో టైం స్పెండ్ చేయకపోతే ఎలా..! కొద్దిరోజులు విశ్రాంతి తీసుకుంటాను. ప్రస్తుతం స్టోరీలు వింటున్నాను.. ఖాళీగా ఉన్నప్పుడు పుస్తకాలు చదువుతున్నాను” అంటూ చెప్పుకొచ్చాడు.
