ప్రస్తుతం సినిమా ప్రపంచంలో అందరూ పాన్ ఇండియా సినిమాలో అంటున్నారు కానీ దర్శకుడు శంకర్ అయితే ఎప్పుడో ఆ తరహా ప్రాజెక్టులను వెండితెరపైకి తీసుకువచ్చాడు. భాషతో సంబంధం లేకుండా ఆయన సినిమాలు ఇతర ఇండస్ట్రీలో కూడా భారీ స్థాయిలో వసూళ్లను అందుకున్నాయి. దేశంలోనే అతి పెద్ద సినిమాలు ఎక్కువగా చేసిన దర్శకుడు శంకర్ ఒకరు. అయితే ప్రస్తుతం ఆయన కాస్త అపజయాలతో సతమతం అవుతున్న విషయం తెలిసిందే. అయినప్పటికీ ఆయన తన ప్రాజెక్టులను గతంలో కంటే ఏ మాత్రం తక్కువ కాకుండా భారీ స్థాయిలో తెరకెక్కించేందుకు ప్రయత్నాలు చేస్తున్నారు.
ప్రస్తుతం రామ్ చరణ్ తో ఒక డిఫరెంట్ యాక్షన్ సినిమాను తీసుకురాబోతున్నారు. ఆ సినిమాలో ఒక మంచి సందేశం కూడా ఉండబోతోంది. ఇక శంకర్ తన భవిష్యత్తు ప్రాజెక్టుల విషయంలో కూడా ముందుగానే నిర్ణయాలు తీసుకుంటూ ఉండడం విశేషం. అయితే రామ్ చరణ్ తర్వాత ఆయన అపరిచితుడు సినిమాకు సీక్వెల్ ను తెరపైకి తీసుకు రాబోతున్నాడు. అంతకుముందు ఇండియన్ 2 సినిమాను స్టార్ట్ చేసిన విషయం తెలిసిందే. ఇక ఆ ప్రాజెక్టు ఎప్పుడు తెరపైకి వస్తుందో తెలియదు. ఈ క్రమంలో శంకర్ మరొక తెలుగు హీరోపై కూడా ఫోకస్ పెట్టినట్లుగా తెలుస్తోంది.
ప్రస్తుతం అగ్ర హీరోలు దొరకడమే చాలా కష్టంగా ఉంది కాబట్టి తెలుగులో ప్రస్తుతం పాన్ ఇండియా హీరోల్లో సంఖ్య పెరుగుతూ ఉండడంతో ఆయన ఎక్కువగా టాలీవుడ్ స్టార్స్ పై ఫోకస్ చేస్తున్నట్లు సమాచారం. RRR సినిమా చూసిన తర్వాత ఆయనకు రామ్ చరణ్ తో పాటు జూనియర్ ఎన్టీఆర్ కూడా చాలా బాగా నచ్చేశాడట. అందుకే అతనితో కూడా ఒక సినిమా చేయాలనే ఆలోచనలో ఉన్నట్లు సమాచారం. ఇదివరకే ఎన్టీఆర్ తో కొన్నిసార్లు శంకర్ ప్రత్యేకంగా మాట్లాడడం జరిగిందట. అన్ని వర్కౌట్ అయితే మాత్రం భవిష్యత్తులో ఎన్టీఆర్ శంకర్ కలయికలో సినిమా వచ్చే అవకాశం ఉంటుంది అని తెలుస్తోంది. ఇక ప్రస్తుతం జూనియర్ ఎన్టీఆర్ కొరటాల శివ దర్శకత్వంలో ఓ సినిమా చేసేందుకు సిద్ధమవుతున్న విషయం తెలిసిందే.
Home