భారీ చిత్రాల దర్శకుడు శంకర్‌కి ప్రయోగాలు అంటే ఇష్టం. అలాంటాయనకు ప్రయోగాలు చేయడానికి ముందుకొస్తున్న స్టార్ హీరో దొరికితే ఆ మజానే వేరు కదా. ఇప్పుడు రామ్‌చరణ్‌ సినిమా విషయంలో ఇదే జరుగుతోంది అంటున్నారు. దిల్ రాజు 50వ చిత్రంగా రూపొందుతున్న ఈ సినిమాలో కథ ఇది, రామ్‌చరణ్‌ పాత్ర ఇది అంటూ చాలా వార్తలు వస్తున్నాయి. అయితే వేటిలోనూ క్లారిటీ లేదు. తాజాగా ఈ సినిమాలో చరణ్ డ్యూయల్‌ రోల్‌ చేస్తాడని వార్తలొస్తున్నాయి. అందులో ఒకటి 50ఏళ్లు పైబడిన వ్యక్తి అని టాక్‌. దీంతోపాటు ఇప్పుడు మరో మాట కూడా వినిపిస్తోంది.
రామ్‌ చరణ్ సినిమా తండ్రీ, కొడుకుల కథ అని చాలా రోజుల నుండి వినిపిస్తోంది. ఇందులో తండ్రి పాత్ర కోసం సీనియర్‌ నటుణ్ని చూద్దాం అనుకున్నారట శంకర్‌. అయితే ఆ పాత్ర కూడా నేనే చేస్తా అంటూ రామ్‌చరణ్‌ ముందుకొచ్చాడట. ప్రతిష్ఠాత్మక సినిమాలో ఇలాంటి డేరింగ్‌ స్టెప్‌ అవసరమా అనుకున్నాడో, లేక ఇంకేదైనా డౌట్‌ ఉందో… శంకర్‌ వేరే ఆలోచన చేస్తున్నారట. సీనియర్‌ చరణ్ పాత్ర కోసం త్వరలో రామ్‌చరణ్‌కు గెటప్‌ టెస్ట్‌ చేస్తారట. ఇందులో చరణ్ పాస్‌ అయితేనే సినిమాలో డ్యూయల్‌ రోల్‌ ఉంటుందంటున్నారు.
అన్నీ కుదిరితే ఈ జూన్‌, జులైలో సినిమా చిత్రీకరణ మొదలుపెడతారని ఆ మధ్య వార్తలొచ్చాయి. తీరా ఇప్పుడు చూస్తే కరోనా సెకండ్‌ వేవ్‌ దారుణంగా ప్రభావం చూపిస్తోంది. దీంతో మరి ముందుగా అనుకున్న సమయానికి సినిమా మొదలుపెడతారా అనేది తెలియడం లేదు. ఇక సినిమా నటీనటులు, సాంకేతిక వర్గానికి సంబధించి పుకార్లు అయితే వస్తున్నాయి కానీ, ఎలాంటి అఫీషియల్‌ సమాచారం లేదు. దీంతోపాటు ఈ సినిమాకు దిల్ రాజు ₹150 కోట్ల బడ్జెట్ ఫిక్స్‌ చేశాడని కూడా అంటున్నారు. అయితే ఆ బడ్జెట్ శంకర్‌ సినిమాకు చాలా తక్కువ అనే మాటలూ వినిపిస్తున్నాయి.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home