Indian 2: కాజల్ ప్లేస్ లో మరో బ్యూటీ!

July 6, 2022 / 08:33 PM ISTByFilmy Focus

Join Us

లోకనాయకుడు కమల్ హాసన్ ‘విక్రమ్’ సినిమాతో భారీ విజయాన్ని అందుకున్నారు. కమల్ కెరీర్ లో ఇదొక బిగ్గెస్ట్ హిట్. ఈ సినిమా సక్సెస్ దర్శకుడు శంకర్, లైకా ప్రొడక్షన్స్ కి బూస్టప్ ఇచ్చినట్లు తెలుస్తోంది. వీరి కాంబినేషన్ లో కమల్ హాసన్ హీరోగా ‘ఇండియన్ 2’ సినిమా పట్టాలెక్కాల్సివుంది. కానీ కొన్ని కారణాల వలన షూటింగ్ ఆగిపోయింది. నిజానికి ఈ సినిమాని రూ.250 కోట్ల బడ్జెట్ లో తీయాలని నిర్మాతలు భావించారు.

అయితే యాభై శాతం షూటింగ్ పూర్తి చేయడానికే శంకర్ రూ.180 కోట్లు ఖర్చు పెట్టేశారు. దీంతో అనుకున్న దానికంటే ఎక్కువ బడ్జెట్ అయిపోతుందని.. దర్శకుడు శంకర్ ని పిలిచి బడ్జెట్ తగ్గించమని కోరింది లైకా సంస్థ. అయితే ఈ విషయంలో శంకర్ రాజీ పడలేదు. దీంతో నిర్మాతలతో శంకర్ కి గొడవ వచ్చింది. ఈ విషయం కోర్టు వరకు వెళ్లింది. ఇంతలో శంకర్.. రామ్ చరణ్ సినిమా సెట్స్ పైకి వెళ్లిపోయారు.

దీంతో ‘ఇండియన్ 2’ సినిమా క్యాన్సిల్ అయినట్లే అనే మాటలు వినిపించాయి. కానీ లైకా ప్రొడక్షన్స్ సంస్థ కోర్టుకెక్కి శంకర్ తో రాజీ కుదుర్చుకుంది. తొందర్లోనే ఈ సినిమా షూటింగ్ ను మొదలుపెట్టబోతున్నారు. ముందుగా ఇందులో కాజల్ ను హీరోయిన్ గా తీసుకున్నారు. అలానే రకుల్ ప్రీత్ సింగ్ ను కీలకపాత్ర కోసం ఎంపిక చేసుకున్నారు. అయితే కాజల్ తల్లి కాబోతుందనే కారణం వలన ప్రాజెక్ట్ నుంచి తప్పుకుంది.

ఇప్పుడు ఆమె బిడ్డతో కలిసి సమయం గడుపుతుంది. ప్రాజెక్ట్ ఆలస్యంగా మొదలవుతుండడంతో కాజల్ ఈ ప్రాజెక్ట్ లో రీజాయిన్ అవుతుందనుకున్నారు. కానీ ఆమె లేకుండానే షూటింగ్ నిర్వహించాలని ఫిక్స్ అయ్యారట. ఆమె స్థానంలో ఓ కొత్త హీరోయిన్ ను తీసుకోవాలనుకుంటున్నారు. మరి ఆ క్రేజీ ఛాన్స్ ఎవరికి దక్కుతుందో!