గత రెండు రోజులుగా హీరో శర్వానంద్ మీడియాలో హాట్ టాపిక్ అయ్యారు. తనకు ఇవ్వాల్సిన రెమ్యునరేషన్ ఎగ్గొట్టారంటూ ప్రముఖ నిర్మాణ సంస్థ 14 రీల్స్ కి లీగల్ నోటీసులు పంపించాడు శర్వానంద్. ‘శ్రీకారం’ సినిమాకి సంబంధించి ఆరు కోట్ల రెమ్యునరేషన్ మాట్లాడుకుంటే అందులో కోటిన్నర ఇవ్వకుండా మోసం చేశారనేది శర్వా ప్రధాన ఆరోపణ. ఇన్నేళ్లలో శర్వా ఎప్పుడూ వివాదాల జోలికి పోలేదు. అలాంటి ఇప్పుడు సడెన్ గా శర్వా నిర్మాతలకు ఇబ్బంది పెడుతున్నారనేది చర్చనీయాంశంగా మారింది.
మరోపక్క తన వల్ల నష్టాలపాలైన నిర్మాతలను శర్వా ఆదుకోవడం, రెమ్యునరేషన్ తీసుకోకుండా సినిమా చేయడం విశేషం. గతంలో శర్వానంద్ హీరోగా ‘పడి పడి లేచే మనసు’ అనే సినిమాను రూపొందించారు. ఈ సినిమాపై నిర్మాత సుధాకర్ చెరుకూరి భారీగా ఖర్చు పెట్టారు. కానీ సినిమా ఆశించిన స్థాయిలో సక్సెస్ కాలేకపోయింది. ఇప్పుడు ఆ బ్యానర్ లోనే ‘ఆడాళ్లూ’ మీకు జోహార్లు’ అనే సినిమా చేస్తున్నాడు శర్వా. కిషోర్ తిరుమల డైరెక్ట్ చేస్తోన్న ఈ సినిమా కోసం శర్వా ఇప్పటివరకు ఒక్క రూపాయి కూడా తీసుకోలేదట.
ఈ సినిమా హిట్ అయి, లాభాలు వస్తే అందులో వాటా తీసుకుంటానని చెప్పాడట. కేవలం నిర్మాతను గట్టెక్కించడానికి మాత్రమే శర్వా ఈ సినిమా చేస్తున్నాడని సమాచారం. కోటిన్నర రెమ్యునరేషన్ కోసం నిర్మాతలతో గొడవకి దిగిన శర్వా ఇప్పుడు ఫ్రీగా సినిమా చేస్తున్నాడంటే గొప్ప విషయమనే చెప్పాలి.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
