Sharwanand: ‘ఒకే ఒక జీవితం’ సినిమాకి పాజిటివ్ టాక్!

టాలీవుడ్ మిడ్ రేంజ్ హీరోల్లో శర్వానంద్ ఒకరు. ఒకప్పుడు ఆయన నుంచి ఎన్నో మంచి సినిమాలు వచ్చాయి. ‘రన్ రాజా రన్’, ‘ఎక్స్ ప్రెస్ రాజా’, ‘మళ్ళీ మళ్ళీ ఇది రానిరోజు’, ‘శతమానం భవతి’, ‘మహానుభావుడు’ ఇలా ఎన్నో హిట్స్ తన ఖాతాలో ఉన్నాయి. తన సినిమాలకు పాతిక నుంచి ముప్పై కోట్ల మార్కెట్ ఉంది. కానీ కొన్నాళ్లుగా అతడి నుంచి ఒక్క సరైన సినిమా రాలేదువరుస ఫ్లాపులతో అతడి మార్కెట్ బాగా దెబ్బతింది.

అతడి లేటెస్ట్ సినిమా ‘ఆడవాళ్ళు మీకు జోహార్లు’ సినిమా ఫుల్ రన్ లో 5 కోట్ల షేర్ ని కూడా దాటలేకపోయింది. ఇలాంటి పరిస్థితుల్లో అతడి నుంచి ఓ సినిమా వస్తోంది. అదే ‘ఒకే ఒక జీవితం’. ఈ సినిమాతో ఆడియన్స్ ని ఎంటర్టైన్ చేస్తానని చాలా నమ్మకంగా చెబుతున్నారు శర్వానంద్. రీసెంట్ గా హైదరాబాద్ ఏఎంబీ మాల్ లో సెలబ్రిటీలకు వేసిన స్పెషల్ షోకి మంచి రెస్పాన్స్ వచ్చింది.

సీనియర్ హీరో నాగార్జున అయితే ఎమోషనల్ అయి కన్నీళ్లు కూడా పెట్టుకున్నారు. ప్రీరిలీజ్ ఈవెంట్ లో కూడా సినిమా గురించి అందరూ పాజిటివ్ గా మాట్లాడారు. కంటెంట్ మీద ఉన్న నమ్మకంతో మీడియాకు సైతం ఒకరోజు ముందు సాయంత్రమే ప్రీమియర్ వేయడం చూస్తుంటే కచ్చితంగా హిట్ అవుతుందనే నమ్మకంతో ఉన్నారనిపిస్తుంది. కాకపోతే అడ్వాన్స్ బుకింగ్స్ ఆశించిన స్థాయిలో లేవు.

పూర్తిగా మౌత్ టాక్ మీద ఈ సినిమా ఆధారపడి ఉంది. అది గనుక పాజిటివ్ గా ఉంటే కచ్చితంగా సినిమా హిట్ అవుతుంది. అయితే ఈ సినిమాతో పాటు ‘బ్రహ్మాస్త్ర’ లాంటి భారీ సినిమా కూడా రిలీజ్ అవుతుంది. ఏబీ సెంటర్స్ లో ‘బ్రహ్మాస్త్ర’కు బుకింగ్స్ బాగున్నాయి. ఈ సినిమాలో ఉన్న హంగులు ‘ఒకే ఒక జీవితం’లో లేవు. కానీ ‘బ్రహ్మాస్త్ర’కి బాయ్ కాట్ భయం ఉంది. మరేం జరుగుతుందో చూడాలి!

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!