‘రౌడీ ఫెలో’ ‘ఛల్ మోహన్ రంగ’ వంటి చిత్రాలు తెరకెక్కించిన దర్శకుడు కృష్ణ చైతన్య తన నెక్స్ట్ మూవీని కూడా నితిన్ తో చేయాలనుకున్నాడు. కానీ కొన్ని కారణాల వల్ల నితిన్ కృష్ణ చైతన్య సినిమాని పక్కన పెట్టాడు. ఈ క్రమంలో అదే కథని శర్వానంద్ తో చేయాలని ప్లాన్ చేసుకున్నాడు కృష్ణ చైతన్య. ఈ ప్రాజెక్టు గ్రాండ్ గా లాంచ్ అవ్వడం కూడా జరిగింది..! కానీ ఇప్పుడు కృష్ణ చైతన్య కథను పక్కన పెట్టాడు శర్వానంద్.
ఆ కథకు ఎక్కువ బడ్జెట్ పెట్టాలి, రన్ టైం పరంగా కూడా పెద్ద సినిమా అవుతుంది. అందుకే ఇప్పుడు ఆ కథ చేయడం కరెక్ట్ కాదని భావించి శర్వానంద్ అదే నిర్మాతలతో శ్రీరామ్ ఆదిత్య దర్శకత్వంలో ఓ సినిమా చేయడానికి రెడీ అయ్యాడు. ‘భలే మంచి రోజు’ ‘శమంతకమణి’ ‘దేవదాస్’ ‘హీరో’ వంటి చిత్రాలతో మంచి దర్శకుడిగా ప్రూవ్ చేసుకున్నాడు శ్రీరామ్ ఆదిత్య. ‘పీపుల్ మీడియా ఫ్యాక్టరీ’ సంస్థ ఈ చిత్రాన్ని నిర్మించబోతోంది.
చాలా సైలెంట్ గా గత వారం ఈ చిత్రం షూటింగ్ కూడా స్టార్ట్ అయిపోయింది.హైదరాబాద్ లోనే చిత్రీకరణ జరుగుతుంది. కృతి శెట్టి.. ఈ చిత్రంలో శర్వానంద్ కు జోడీగా కనిపించబోతుంది. 2017 లో వచ్చిన ‘మహానుభావుడు’ తర్వాత ‘పడి పడి లేచె మనసు’ ‘రణరంగం’ ‘జాను’ ‘శ్రీకారం’ ‘మహాసముద్రం’ ‘ఆడవాళ్ళు మీకు జోహార్లు’ వంటి 6 ప్లాపులు ఫేస్ చేశాడు శర్వానంద్.
అతను హిట్టు కొట్టడానికి 5 ఏళ్ళు పట్టింది. గత ఏడాది వచ్చిన ‘ఒకే ఒక జీవితం’ తో హిట్టు కొట్టి.. శర్వానంద్ తన ప్లాపులకు బ్రేకులు వేశాడు. ‘ఒకే ఒక జీవితం’ సక్సెస్ తో శర్వానంద్ కథల ఎంపిక కూడా మారినట్టు స్పష్టమవుతుంది. ఈ మధ్యనే శర్వానంద్ కు రక్షిత రెడ్డి అనే అమ్మాయితో నిశ్చితార్థం జరిగింది.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
