నృత్య దర్శకులు సినిమా దర్శకులుగా మారడం కొత్తేమీ కాదు. చాలా ఏళ్లుగా ఇలాంటి మార్పులు చూస్తూనే ఉన్నాం. ప్రముఖ డ్యాన్స్‌ కొరియోగ్రాఫర్లు… ఫేమస్‌ డైరక్టర్లుగా మారిపోయారు. అయితే ఓ కొరియోగ్రాఫర్‌ మాత్రం చాలా కాలంగా స్టార్ డైరక్టర్‌గా మారాలని చూస్తున్నారు. ఈ క్రమంలో ఓ ప్రయత్నం చేసినా… ఆ తర్వాత దాన్ని కొనసాగించలేకపోయారు. ఇప్పుడు 14 ఏళ్ల తర్వాత ఆ ప్రయత్నం చేస్తున్నారు. అతనే రాజు సుందరం. డ్యాన్స్‌ కొరియోగ్రాఫర్‌ ఎన్నో బంపర్‌ హిట్‌ సాంగ్స్‌ ఇచ్చిన ఆయన డైరక్టర్‌గా మాత్రం రెండో సినిమా చేయలేదు.
మహేష్‌బాబు – రాజు సుందరం కాంబినేషన్‌లో సినిమా అంటూ చాలా రోజుల నుండి వార్తలు వస్తున్నాయి. రాజు సుందరం ఓ కథ సిద్ధం చేసుకొని, మహేష్‌ను అప్రోచ్‌ అయ్యారని… అంతా ఓకే ఇక పట్టాలెక్కడమే తరువాయి అని కూడా అన్నారు. కానీ ఆ సినిమా మెటీరియలైజ్‌ అవ్వలేదు. అయితే ఇప్పుడు రాజు సుందరం… శర్వానంద్‌కి ఓ కథ వినిపించారని టాక్‌. సినిమా కాన్సెప్ట్‌ నచ్చి శర్వానంద్‌ ఆ కథను పచ్చ జెండా ఊపారని అంటున్నారు.
యూవీ క్రియేష‌న్స్ ఈ సినిమాను ప్రొడ్యూస్‌ చేస్తుందని సమాచారం. శ‌ర్వానందే న‌టించే సినిమా రాజు సుందరందే అని టాక్‌. ఏప్రిల్‌, మేలో ఈ సినిమా ముహూర్తం ఉంటుందట. మార్చి 4న ‘ఆడాళ్లు మీకు జోహార్లు’ విడుదల అవుతుంది. ఆ తర్వాత ‘ఒకే ఒక జీవితం’ లైన్లో ఉంది. ఆ సినిమా తర్వాత రాజు సుందరం సినిమా అన్నమాట.14 ఏళ్ల తర్వాత రాజు సుందరం డైరక్షన్‌ అన్నారు. తొలి సినిమా ఏంటి అనే డౌట్‌ ఉండొచ్చు.
రాజు సుందరం డైరక్టర్‌గా చేసిన సినిమా ‘అయేగన్‌’. తెలుగులో ‘మల్లిక ఐ లవ్‌ యూ’ పేరుతో డబ్‌ చేసినట్లున్నారు. అజిత్‌ – నయనతార కాంబినేషన్‌లో ఈ సినిమాను రాజు సుందరం తెరకెక్కించారు. బాలీవుడ్‌ హిట్‌ మూవీ ‘మై హూనా’కి ఇది రీమేక్‌. ఈ సినిమా 2008లో రిలీజ్ అయ్యింది. మళ్లీ ఇన్నాళ్లకు శర్వానంద్‌ సినిమాతో మెగా ఫోన్‌ పట్టుకుంటున్నారు రాజు సుందరం.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home