సినిమా ఇండస్ట్రీలో ఒక హీరోతో అనుకున్న సినిమా మరో హీరోతో పట్టాలెక్కించడం కామన్ గా జరుగుతుంటుంది. తాజాగా హీరో నితిన్ రిజెక్ట్ చేసిన కథను శర్వానంద్ ఓకే చేసినట్లు సమాచారం. ‘ఛల్ మోహనరంగ’ అనే సినిమా తీసిన దర్శకుడు కృష్ణ చైతన్య నితిన్ తో మరో సినిమా చేయాలనుకున్నాడు. నితిన్ కూడా మొదట ఈ ప్రాజెక్ట్ పై ఆసక్తి చూపాడు. కానీ ఇప్పుడు కొన్ని కారణాల వలన ఈ ప్రాజెక్ట్ నుండి తప్పుకోవాలనుకుంటున్నాడట. ఈ సినిమాను దర్శకుడు రెండు భాగాలుగా తీయాలనుకుంటున్నాడు.
దీనికోసం నితిన్ చాలా కాలం డేట్స్ ఇవ్వాల్సి వస్తోంది. పైగా పీరియాడిక్ డ్రామా కావడంతో నితిన్ రిస్క్ తీసుకోవాలనుకోవడం లేదు. దీంతో దర్శకుడు శర్వానంద్ ను సంప్రదించినట్లు తెలుస్తోంది. అతడికి కథ నచ్చడంతో ఓకే చెప్పినట్లు సమాచారం. పీపుల్ మీడియా ఫ్యాక్టరీపై ఈ సినిమాను నిర్మించాలని ప్లాన్ చేస్తున్నారు. ఈ సినిమా 1960-2021 మధ్య జరిగే స్టోరీ అని తెలుస్తోంది. కథ ప్రకారం ఇందులో శర్వానంద్ మూడు డిఫరెంట్ రోల్స్ లో కనిపిస్తాడట.
ఒక 18 ఏళ్ల టీనేజ్ రోల్ కాగా.. మరొకటి మిడిల్ ఏజ్ వ్యక్తిగా.. అలానే అరవై ఏళ్ల ముసలివాడిగా కనిపించనున్నాడని సమాచారం. ప్రస్తుతం శర్వానంద్ ‘మహా సముద్రం’ సినిమాలో నటిస్తున్నాడు. అజయ్ భూపతి డైరెక్ట్ చేస్తోన్న ఈ సినిమాలో సిద్ధార్థ్ విలన్ గా కనిపించనున్నాడు. అలానే శర్వా లిస్ట్ లో ‘ఆడాళ్లూ మీకు జోహార్లు’ అనే సినిమా కూడా ఉంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
