విజయ్ దేవరకొండ కెరీర్ ని రాకెట్ మాదిరిగా దూసుకెళ్లే విధంగా చేసిన చిత్రం అర్జున్ రెడ్డి. నూతన దర్శకుడు సందీప్ వంగ డైరక్షన్ లో వచ్చిన ఈ సినిమా తెలుగు చలన చిత్ర పరిశ్రమలో విప్లవాత్మక సినిమాగా చరిత్ర కెక్కింది. కలక్షన్ల విషయంలోనూ రికార్డు సృష్టించింది. తెలుగు రాష్ట్రాలతో పాటు ఓవర్సీస్ లోను కోట్ల వర్షం కురిపించింది. నాలుగు కోట్లతో నిర్మితమైన ఈ మూవీ 40 కోట్ల వసూళ్లను రాబట్టింది. అంతేకాదు ఈ సినిమాని తమిళం, కన్నడం, హిందీలో రీమేక్ చేస్తున్నారు. ఇంత మంచి కథ మొదట శర్వానంద్ వద్దకు వెళ్ళింది.
అతను రిజక్ట్ చేశారు. ఎందుకు రిజక్ట్ చేశారో ఇప్పుడు చెప్పారు. “కథ నాకు బాగా నచ్చింది. అశ్వనిదత్, లగడపాటి శ్రీధర్ లాంటి వారికి చెప్పాను. వారు వెనక్కి తగ్గారు. నిర్మాతలు ఉత్సాహం చూపించకపోవడంతో నేను అర్జున్ రెడ్డిని వదులుకున్నాను.” అని ఓ ఇంటర్వ్యూ లో చెప్పారు. సందీప్ వంగ నిర్మిస్తానని చెప్పినా నమ్మకం కుదరక ఆ ప్రాజక్ట్ కి శర్వానంద్ గ్రీన్ సిగ్నల్ ఇవ్వలేకపోయారు.
Home