‘జాను’ ఫస్ట్ లుక్.. ఎడారిలో ఒంటరిగా శర్వా!

ప్రేమ ప్రధానంగా తమిళంలో తెరకెక్కించిన ’96’ సినిమా గతేడాది విడుదలై సంచలన విజయం సాధించింది. ఈ సినిమాలో విజయ్ సేతుపతి, త్రిషల నటనకి ఆడియన్స్ ఫిదా అయ్యారు. తమిళనాట భారీ విజయాన్ని అందుకున్న ఈ సినిమాని ‘జాను’ అనే పేరుతో తెలుగులో రీమేక్ చేస్తున్నారు. ఇందులో యంగ్ హీరో శర్వానంద్, సమంత జంటగా నటిస్తున్నారు. మంగళవారం నాడు ఈ సినిమా ఫస్ట్ లుక్ పోస్టర్ ని విడుదల చేశారు. ఇందులో శర్వా ఎడారిలో ఒంటరిగా ప్రయాణిస్తున్నాడు. ఈ పోస్టర్ సినీ ప్రేమికులను ఆకట్టుకుంటోంది.

అయితే ఈ పోస్టర్ లో సమంత లేకపోవడంతో ఆమె అభిమానులు కాస్త హర్ట్ అయ్యారు. ఇది ఇలా ఉండగా.. ఒరిజినల్ వెర్షన్ డైరెక్ట్ చేసిన దర్శకుడు ప్రేమ్‌కుమార్‌ తెలుగు రీమేక్ ని డైరెక్ట్ చేస్తున్నారు. ’96’ సినిమాకి మ్యూజిక్ అందించిన వసంతన్ ‘జాను’కి కూడా సంగీతం అందిస్తున్నారు. దిల్ రాజు నిర్మ్స్తోన్న ఈ సినిమా షూటింగ్ ఇటీవలే పూర్తయింది. ఈ ఏడాది ఫిబ్రవరి 14న ఈ సినిమాని విడుదల చేయడానికి ప్లాన్ చేస్తున్నారు.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!