నాగార్జున హోస్ట్ గా వ్యవహరిస్తున్న ‘బిగ్ బాస్ సీజన్ 3’ లో వైల్డ్ కార్డ్ ద్వారా ఎంట్రీ ఇచ్చిన మాజీ యాంకర్ శిల్పా చక్రవర్తి వచ్చిన రెండు వారాలకే ఎలిమినేట్ అయిన సంగతి తెలిసిందే. బయటకి వచ్చాక ఈమె ఇంటర్వ్యూలలో పాల్గొంటూ షాకింగ్ కామెంట్స్ వస్తుంది. మొదటగా ఈమె హౌస్ లోకి ఎంట్రీ ఇచ్చినప్పుడు ‘శ్రీముఖి నాకు బయట తెలుసు… మేము మంచి స్నేహితులం’ అంటూ చెప్పుకొచ్చిన సంగతి తెలిసిందే. అయితే ఇప్పుడు ఆ మాటల్ని మార్చేస్తుంది ఈ మాజీ యాంకర్.
శిల్పా చక్రవర్తి మాట్లాడుతూ… ” ‘బిగ్ బాస్’ హౌస్ లో శ్రీముఖి మైండ్ గేమ్ ఆడుతుంది. శ్రీముఖి ఎవరో నాకు తెలీదు. కానీ ఆమె ‘బిగ్ బాస్’ హౌస్ లో ఏదేదో చెప్పుకుంటోంది. ‘శిల్పకు నేనంటే పడదు అంటూ అందరికీ చెబుతుంది. అయితే అంత సీన్ లేదు. నాకు శ్రీముఖి అసలు పరిచయమే లేదు. ఒకసారి ఎయిర్ పోర్ట్‌లో కనిపిస్తే హాయ్ అంటే హాయ్ అనుకున్నాము. అంతే తప్ప మా ఇద్దరి మధ్య ఎలాంటి గొడవ జరగలేదు. శ్రీముఖి మాటలు విని షాకయ్యాను. ఆమె మాట్లాడేది నా గురించేనా..? అనే డౌట్ వచ్చింది. శ్రీముఖి గురించి నాకు పెద్దగా ఏమీ తెలీదు. నాకు అబద్దాలు చెప్పే అవసరం లేదు.
ఈరోజు వరకూ ఇండస్ట్రీలో నాకు ఎవరితోనూ ఎటువంటి వివాదం లేదు. కానీ శ్రీముఖి దేని ఆధారంగా అలా కామెంట్ చేసిందో అర్ధం కాలేదు. బహుసా అది తన గేమ్ స్ట్రాటజీ అయ్యుండొచ్చు అనిపిస్తుంది. నా పై తప్పుడు కామెంట్స్ చేసి సింపతీ పొందొచ్చని ఆమె భావించి ఉండొచ్చు. అందుకే నాకు ఓట్లు తగ్గి ఉండొచ్చు కూడా…! శ్రీముఖి కేవలం గేమ్ కోసం నా వ్యక్తిత్వాన్ని మరీ ఇంత దారుణంగా తగ్గించిందా? ఇంత దిగజారిందా? అనే డౌట్ నాలో ఉంది. ఈ విషయంలో చాలా డిజప్పాయింట్ అయ్యాను. ఆమె బయటకి వచ్చాక కచ్చితంగా ఆమెను నిలదీసి అడుగుతా” అంటూ శిల్పా చక్రవర్తి.. శ్రీముఖి పై షాకింగ్ కామెంట్స్ చేసింది.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
