వివరాల్లోకి వెళితే… మలయాళ స్టార్ యాక్టర్ షైన్ టామ్ చాకో (Shine Tom Chacko) ఇంట విషాదం చోటుచేసుకుంది. ఆయన ఫ్యామిలీ రోడ్డు ప్రమాదానికి గురైంది. సేలం – బెంగళూరు నేషనల్ హైవే వద్ద.. ఈరోజు(శుక్రవారం నాడు) ఉదయం ఈ ప్రమాదం చోటు చేసుకుంది. ఈ ప్రమాదంలో షైన్ టామ్ చాకో తండ్రి కన్నుమూశారు. అలాగే ఈ కారులో షైన్ టామ్ తో పాటు అతని సోదరుడు, మేనేజర్ అయినటువంటి అనీస్ కూడా ఉన్నట్టు తెలుస్తుంది.
వారు కూడా తీవ్రంగా గాయపడ్డారు. సిబ్బంది వారిని సకాలంలో హాస్పిటల్లో అడ్మిట్ చేశారు.. ప్రస్తుతం వారు చికిత్స పొందుతున్నారు. షైన్ టామ్ తన ఫ్యామిలీతో కలిసి సీపీ చాకో(షైన్ టామ్ తండ్రి) ని వైద్య పరీక్షల నిమిత్తం త్రిసూర్‌ నుండి బెంగళూరుకు తీసుకెళ్తూ ఉండగా లారీని ఢీకొట్టడంతో ఈ ఘోర ప్రమాదం చోటు చేసుకున్నట్లు పోలీసులు తెలిపారు. ఇక ఈ విషాద సంఘటన మలయాళ సినీ పరిశ్రమని విషాదంలోకి నెట్టేసింది. పలువురు సినీ ప్రముఖులు షైన్ టామ్ చాకో కుటుంబానికి సంతాపం తెలుపుతున్నారు.
ఈ మధ్య కాలంలో చాలా మంది సినీ సెలబ్రిటీలు మరణించడం జరిగింది. విష్ణు ప్రసాద్, ఫిలిప్పీన్స్ నటుడు రికీ దవావో, నిర్మాత తేనెటీగా రామారావు, బాలీవుడ్ మేకప్ ఆర్టిస్ట్ గా పేరొందిన విక్రమ్ గైక్వాడ్, కమెడియన్ రాకేష్ పుజారి, మాస్టర్ భరత్ తల్లి కమలహాసిని, ‘అదుర్స్’ విలన్ ముకుల్ దేవ్,తమిళ నటుడు రాజేష్,హాలీవుడ్ నటి లొరెట్టా స్విట్, తమిళ నటుడు విక్రమ్ సుకుమారన్, వైభవ్ కుమార్ సింగ్ వంటి వారు మృతి చెందారు. ఆ షాక్..ల నుండి సినీ పరిశ్రమ ఇంకా కోలుకోకుండానే ఈ ఘోర సంఘటన చోటు చేసుకున్నట్లు స్పష్టమవుతుంది.
Home