Shiva Nirvana: అద్భుతమైన అనుభూతి కలిగించింది: శివ నిర్వాణ

May 24, 2022 / 03:34 PM ISTByFilmy Focus

Join Us

Shiva Nirvana: అద్భుతమైన అనుభూతి కలిగించింది: శివ నిర్వాణ

శివ నిర్వాణ దర్శకత్వంలో విజయ్ దేవరకొండ,సమంత జంటగా మైత్రి మూవీ మేకర్స్ నిర్మాణంలో ఎంతో ప్రతిష్టాత్మకంగా తెరకెక్కుతున్న చిత్రం ఖుషి. ఈ సినిమా రెగ్యులర్ షూటింగ్ పనులను ప్రారంభించింది. కాశ్మీర్ లో శరవేగంగా షూటింగ్ పనులను ప్రారంభించిన ఈ చిత్రం తాజాగా మొదటి షెడ్యూల్ చిత్రీకరణ పనులను పూర్తి చేసుకున్నట్లు తెలుస్తోంది. ఈ క్రమంలోనే చిత్రబృందం ఈ విషయాన్ని వెల్లడించారు. ఈ సందర్భంగా డైరెక్టర్ శివ నిర్వాణ ఈ విషయంపై స్పందిస్తూ కాశ్మీర్ షూటింగ్ అద్భుతమైన అనుభూతిని కలిగించిందంటూ వెల్లడించారు.

సమంత విజయ్ దేవరకొండతో పాటు యూనిట్ అందరికీ కంగ్రాట్స్ అంటూ ఫోటోను షేర్ చేశారు. ఇక ప్రస్తుతం కాశ్మీర్ లో మొదటి షెడ్యూల్ పూర్తి చేసుకున్న చిత్రబృందం హైదరాబాద్ చేరుకున్నారు. త్వరలోనే రెండవ షెడ్యూల్ చిత్రీకరణ ప్రారంభించనున్నట్లు వెల్లడించారు. కాశ్మీర్ లో మొదటి షెడ్యూల్ పూర్తి కాగా త్వరలోనే మిగతా షెడ్యూల్స్ అన్ని కూడా వైజాగ్‌, అల్లెప్పిల్లో పూర్తి చేస్తారు. ఈ సినిమా డిసెంబర్‌ 23వ తేదీ ప్రేక్షకులముందుకురానుంది. ఈ క్రమంలోనే శరవేగంగా షూటింగ్ పనులను జరుపుకుంటుంది.

ఇకపోతే ఈ సినిమాలో జయరామ్‌, సచిన్‌ ఖేడేకర్‌, మురళీ శర్మ, వెన్నెల కిశోర్‌ కీలక పాత్రలు పోషిస్తున్నారు. శివ నిర్వాణ దర్శకత్వంలో మైత్రి మూవీ మేకర్స్ నిర్మాణంలో తెరకెక్కుతున్న ఈ సినిమాకు సంగీతాన్ని హిషామ్‌ అబ్దుల్‌ వాహబ్‌ అందించనున్నారు. విజయ్ దేవరకొండ సమంత వీరిద్దరి కాంబినేషన్లో ఇది వరకే మహానటి సినిమాలో కీలక పాత్రలో నటించారు. వీరిద్దరూ ఆన్ స్క్రీన్ కెమిస్ట్రీ వర్కవుట్ కావడంతో ఖుషి సినిమా ద్వారా మరోసారి ప్రేక్షకుల ముందుకు రాబోతున్నారు.