మహేష్, మురుగదాస్ మూవీ టీజర్ కోసం ఎంత ఖర్చుపెట్టారో తెలిస్తే షాకే

కోలీవుడ్ లో ఎంట్రీని మహేష్ బాబు బాగా ప్లాన్ చేశారు. సూపర్ హిట్స్ తీసిన మురుగదాస్ తో గ్రాండ్ గా లాంచ్ అవుతున్నారు. బడ్జెట్ విషయంలో అసలు వెనుకడుగు వేయడం లేదు. అందుకే టాలీవుడ్ లో భారీ చిత్రాలను నిర్మించిన ఠాగూర్ మధు, ప్రసాద్ లతో ప్రాజక్ట్ ప్రారంభించారు. ప్రిన్స్ మూవీకి అవసరమైనవనీ వారు సమకూరుస్తున్నారు. ఏకకాలంలో తెలుగు తమిళ భాషల్లో తెరకెక్కుతోన్న ఈ మూవీ టీజర్ లండన్లో మెరుగులు దిద్దుకుంటోంది. అక్కడి నిపుణులు అత్యంత నాణ్యతతో 32 సెకన్ల నిడివిగల వీడియోని తీసుకురావడానికి కష్టపడుతున్నారు. సంభవామి అనే టైటిల్ పరిశీలిస్తున్న ఈ మూవీలో ప్రిన్స్ ఇన్వెస్ట్ గేషన్ ఆఫీసర్ గా నటిస్తున్నారు. అతని క్యారక్టర్ పూర్తిగా అభిమానులకు తెలిసేలా ఈ టీజర్ ఉంటుందని సమాచారం. ఈ టీజర్ కోసం నిర్మాతలు 35 లక్షలు ఖర్చు చేస్తున్నట్లు తెలిసింది.

షూటింగ్ చేసిన ఫుటేజ్ కి కేవలం హంగులు జోడించడానికి ఇంత వ్యయం అవుతుందంటే ఆ వీడియో ఎలా ఉంటుందోనని అటు కోలీవుడ్, ఇటు టాలీవుడ్ సినీ పండితులు ఎదురుచూస్తున్నారు. మహేష్ ఫ్యాన్స్ వేడుకకు సిద్ధమవుతున్నారు. ఈ టీజర్ రికార్డులు సృష్టించడం గ్యారంటీ అంటూ ధీమా వ్యక్తం చేస్తున్నారు. ఫిట్ బ్యూటీ రకుల్ ప్రీత్ సింగ్, తమిళ దర్శకుడు ఎస్.జె.సూర్య, హాస్య నటుడు ప్రియదర్శి, తదితరులు నటిస్తున్న ఈ మూవీ టైటిల్, ఫస్ట్ లుక్, టీజర్ లను ఒకే సారి తెలుగు, తమిళంలో విడుదల చేయనున్నారు.

Also, do SUBSCRIBE to our YouTube channel to get latest Tollywood updates.