Hero Tarun: హీరో తరుణ్ ఫ్యామిలీకి షాకిచ్చిన పోలీసులు.. కారణం అదే..!

హీరో తరుణ్ గురించి ప్రత్యేక పరిచయం అవసరం లేదు. గతంలో ఇతను కూడా స్టార్ హీరోగా ఓ వెలుగు వెలిగాడు. ఉదయ్ కిరణ్. జూనియర్ ఎన్టీఆర్ లతో సమానంగా తరుణ్ కూడా హిట్లిచ్చినవాడే. భవిష్యత్తులో కచ్చితంగా స్టార్ హీరో అవుతాడు అనుకున్న టైములో ఇతను చేసిన సినిమాలు వరుసగా ప్లాప్ అవుతూ వచ్చాయి. తద్వారా ఇతని మార్కెట్ దెబ్బ తినేసింది. అటు తర్వాత పెద్ద దర్శకులు తరుణ్ ను పూర్తిగా పక్కన పెట్టేసారు. తరుణ్.. ప్రముఖ డబ్బింగ్ ఆర్టిస్ట్ రోజా రమణి కొడుకు అన్న సంగతి తెలిసిందే. ఇతని తండ్రి చక్రపాణి కూడా నటుడే. చైల్డ్ ఆర్టిస్ట్ గా కూడా చాలా హిట్ సినిమాల్లో నటించాడు తరుణ్.

ఇదిలా ఉండగా.. ఇటీవల ఇతని తల్లిదండ్రులు ‘అలీతో సరదాగా’ షోకి హాజరయ్యి కొన్ని ఆసక్తికరమైన విషాయాలను తెలియజేసారు. తరుణ్ అండ్ ఫ్యామిలీ ఓసారి స్విట్జర్లాండ్ కు వెళ్లగా అక్కడ జరిగిన ఓ షాకింగ్ ఇన్సిడెంట్ గురించి వివరించారు. ‘తరుణ్ కి అలాగే వాళ్ళ నాన్నగారికి దైవ భక్తి ఎక్కువ.తను ఎక్కడకి వెళ్లినా ఉదయాన్నే లేచి పూజ చేసుకుంటాడు. అలాగే ఓ మూవీ షూటింగ్ కోసం మేము స్విట్జర్లాండ్ కు వెళ్ళినప్పుడు ఓ హోటల్ లో స్టే చేసాం. ఈయన ఉదయాన్నే లేచి పూజలు చేయడం మొదలుపెట్టాడు. రూమంతా అగరొత్తులు పొగతో నింపేసాడు.

ఆ పొగని స్మోక్ డిటెక్టర్ డిటెక్ట్ చేయడంతో ఏదో అగ్నిప్రమాదం జరిగిందనుకొని హోటల్ సిబ్బంది పోలీసులను పిలిపించారు.అంతే వాళ్ళు వచ్చి మమ్మల్ని చుట్టుముట్టేశారు.. ఈయనేమో(తరుణ్) బొట్లు అవి పెట్టుకుని ఉన్నాడు. ఆ పోలీసులు ఒక్కొక్కరు భారీ భారీ హైట్ ఉన్నారు. తర్వాత ఏమీ లేదని తెలిసి రిలాక్స్డ్ గా వెళ్లిపోయారు” అంటూ తరుణ్ తల్లి రోజా రమణి చెప్పుకొచ్చారు.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్