Mahesh Babu: ఆ హీరోలు అంటే మహేష్ కు ఇంత అభిమానమా.. ఏం జరిగిందంటే?

స్టార్ డైరెక్టర్ రాజమౌళి (Rajamouli) మహేష్ (Mahesh Babu) కాంబినేషన్ లో ఒక సినిమా తెరకెక్కుతుండగా ఈ సినిమా పాన్ వరల్డ్ సినిమాగా తెరకెక్కనుందని తెలుస్తోంది. మహేష్ ఈ సినిమా కోసం మూడేళ్లు పరిమితం అవుతారో లేక నాలుగేళ్లు పరిమితం అవుతారో తెలియాల్సి ఉంది. అయితే తాను కూడా బ్లాక్ లో టికెట్లు కొని సినిమాలు చూశానని మహేష్ బాబు ఒక ఇంటర్వ్యూలో వెల్లడించగా ఆ విషయాలు వైరల్ అవుతున్నాయి. బాల్యంలో దేవి థియేటర్ లో సినిమా చూశానని మహేష్ బాబు అన్నారు.

చెన్నైలో నేను చాలాసార్లు ఆటో ఎక్కానని మహేష్ బాబు వెల్లడించారు. రంగీలా మూవీ టికెట్ కోసం లైన్ లో నిలబడ్డానని టికెట్ దొరకకపోతే బ్లాక్ లో టికెట్ కొన్నానని ఆయన తెలిపారు. కమల్ హాసన్, రజనీకాంత్ సినిమాల కోసం బ్లాక్ లో టికెట్లు కొనుగోలు చేశానని మహేష్ పేర్కొన్నారు. కమల్ (Kamal Haasan) , రజనీలకు (Rajinikanth) మహేష్ అభిమాని అని ఈ కామెంట్లతో తేలిపోయింది. సూపర్ స్టార్ మహేష్ బాబుకు క్రేజ్ అంతకంతకూ పెరుగుతుండగా ఇతర భాషల్లో సైతం మహేష్ బాబుకు ఫ్యాన్ ఫాలోయింగ్ పెరుగుతోంది.

మహేష్ బాబు తొలిసారి రాజమౌళి సినిమాకు 100 కోట్ల రూపాయల రేంజ్ లో రెమ్యునరేషన్ అందుకుంటూ ఉండటం గమనార్హం. రాజమౌళి సినిమాకు మహేష్ కు ఎంత పారితోషికం ఇచ్చినా తక్కువేనని నెటిజన్ల నుంచి కామెంట్లు వ్యక్తమవుతున్నాయి. మహేష్ రాజమౌళి కాంబో మూవీకి సంబంధించిన టైటిల్ ను త్వరలోనే రివీల్ చేస్తారని తెలుస్తోంది. మహేష్ బాబు పుట్టినరోజు కానుకగా ఈ సినిమాకు సంబంధించిన అప్ డేట్స్ రానున్నాయని తెలుస్తోంది.

మహేష్ రాజమౌళి కాంబో మూవీ షూటింగ్ మొదలుకాకముందే ఈ సినిమాకు బిజినెస్ భారీ స్థాయిలో జరుగుతోందని ప్రముఖ ఓటీటీల నుంచి ఈ సినిమాకు ఆఫర్లు వస్తున్నాయని తెలుస్తోంది. 1000 కోట్ల రూపాయల కంటే ఎక్కువ మొత్తం బడ్జెట్ తో ఈ సినిమా తెరకెక్కుతోంది.