Madhavan: మాధవన్ ఇలా తయ్యారయ్యాడేంటి..? నెటిజన్ల ట్రోల్స్!

June 26, 2022 / 05:51 PM ISTByFilmy Focus

Join Us

Madhavan: మాధవన్ ఇలా తయ్యారయ్యాడేంటి..? నెటిజన్ల ట్రోల్స్!

విలక్షణ నటుడు మాధవన్ ఈ మధ్యకాలంలో సోషల్ మీడియాకి టార్గెట్ అయిపోతున్నారు. రీసెంట్ గా కేన్స్ ఫిల్మ్ ఫెస్టివల్ లో తన కొత్త సినిమా ‘రాకెట్రీ : ది నంబి ఎఫెక్ట్’ను ప్రమోట్ చేసుకోవడానికి వెళ్లిన మాధవన్.. అక్కడ మోదీ ప్రభుత్వానికి మద్దతుగా మాట్లాడడం సోషల్ మీడియాలో హాట్ టాపిక్ గా మారింది. కేంద్రప్రభుత్వం కొన్నేళ్ల ముందు డిజిటల్ మనీని ప్రవేశపెట్టినప్పుడు అందరూ ఎగతాళి చేశారని.. ఇండియాలో ఇది వర్కవుట్ కాదని అన్నారని..

కానీ ఇప్పుడు పల్లెటూళ్లలో కూడా దాన్ని వాడుతున్నారని పేర్కొంటూ మోదీ ప్రభుత్వానికి మాధవన్ ఓ రేంజ్ లో ఎలివేషన్ ఇవ్వడం చాలా మందికి నచ్చలేదు. అతడిని బీజేపీ భక్తుడిగా ముద్ర వేసి ట్రోల్ చేశారు నెత్తినాలు. కరోనా సమయంలో డిజిటల్ మనీ అనివార్యంగా మారి అందరూ వాడారే తప్ప.. అందులో మోదీ ప్రభుత్వం క్రెడిట్ ఏమీ లేదని.. డీమానిటైజేషన్ లాంటి వ్యవహారాల్లో మోదీ ప్రభుత్వం వైఫల్యం సంగతేంటని మాధవన్ ను ప్రశ్నించారు.

ఆ వ్యవహారం అక్కడితో ముగిసిపోయింది. ఇప్పుడు అంతరిక్ష పరిశోధనల్లో ఇండియా సాధించిన ప్రగతి గురించి ఓ కార్యక్రమంలో మాధవన్ చేసి వ్యాఖ్యలు సోషల్ మీడియాలో ట్రోలింగ్ కి కారణమయ్యాయి. మార్స్ మీదకి ఉపగ్రహాన్ని పంపడం కోసం రష్యా సహా ప్రపంచ దేశాలు భారీగా ఖర్చు పెట్టాయని ముప్పై సార్లకు పైగా ప్రయత్నించాక కొంతమేర విజయవంతం అయ్యాయని.. అప్పుడు కూడా ఒక స్థాయి ఎత్తుకు మించి ఉపగ్రహాన్ని పంపలేకపోయాయని.. కానీ ఇండియా మాత్రం 2014లో చాలా తక్కువ ఖర్చుతో, తక్కువ ప్రయత్నాల్లోనే మార్స్ మిషన్‌ను విజయవంతంగా పూర్తి చేసిందని మాధవన్ తెలిపారు.

దీనికి కారణాన్ని వివరిస్తూ.. భారత శాస్త్రవేత్తలు పంచాంగాన్ని అనుసరించి ఈ మిషన్ చేపట్టారని.. అందుకే అధునాతన సాంకేతిక ఉన్న ప్రపంచ దేశాల కంటే భారత్ తక్కువ ఖర్చుతో, తక్కువ శ్రమతో మిషన్‌ను సక్సెస్ చేసిందని మాధవన్ అన్నారు. అయితే ఆయన మాటల్లో నిజం లేదని.. మోదీ హయాంలో టెక్నికల్ గా కూడా దేశం ముందుకు వెళ్లిందని ఎలివేషన్ ఇవ్వడానికి.. అలానే ‘రాకెట్రీ’ సినిమాను ప్రమోట్ చేసుకోవడానికి మాధవన్ ప్రయత్నిస్తున్నారని కామెంట్స్ చేస్తున్నారు. ఇన్నాళ్లు ఆలోచనాపరుడిగా కనిపించిన మాధవన్.. ఇప్పుడు ఇలా తయ్యారయ్యాడేంటి..? అంటూ అతడిపై ఫైర్ అవుతున్నారు.