మిలటరీ గెటప్ లో మహేష్ బాబు అందంగా ఉన్నాడు కానీ..

ఇటీవల విడుదలైన “సరిలేరు నీకెవ్వరు” ఫస్ట్ లుక్ లో ఆర్మ్ మేజర్ గా మహేష్ బాబు అందంగా ఉన్నాడని జనాలు, మహేష్ బాబు ఫాన్స్ తెగ పొగిడేస్తున్నప్పటికీ..సదరు లుక్ లో ఒరిజినాలిటీ లోపించిందని అభిప్రాయపడుతున్నారు కొందరు. ఆర్మీ లుక్ లో మహేష్ ఆకట్టుకొనే స్థాయిలో ఉన్నాడు కానీ.. నిజమైన ఆర్మీ మేజర్ లా మాత్రం లేడని కామెంట్ చేస్తున్నారు. ఈ విషయంలో బన్నీ చాలా గ్రేట్ అని.. “నా పేరు సూర్య” సినిమాలో ఆర్మీ మేజర్ గా కనిపించడం కోసం పర్ఫెక్ట్ ఫిజిక్ తోపాటు హెయిర్ స్టైల్ & బాడీ లాంగ్వేజ్ విషయంలో కూడా చాలా జాగ్రత్తలు తీసుకొన్నాడు. కానీ.. మహేష్ మాత్రం పెద్దగా జాగ్రత్త తీసుకొన్నట్లు ఏమీ కనిపించలేదు అని వ్యాఖ్యానిస్తున్నారు.

ఇకపోతే.. సంక్రాంతికి విడుదలవుతున్న “సరిలేరు నీకెవ్వరు”లో ఒక స్పెషల్ ఐటెం సాంగ్ ను ప్లాన్ చేస్తున్నాడట. ఈ సాంగ్ కోసం బాలీవుడ్ భామను ఎంపిక చేయనున్నట్లు తెలుస్తోంది. మహేష్ సరసన రష్మిక మందన్న కథానాయికగా నటిస్తున్న ఈ చిత్రంలో విజయశాంతి కీలకపాత్ర పోషిస్తుండడం విశేషం.