టాలీవుడ్ లో సక్సెస్ ఫుల్ మ్యూజిక్ డైరెక్టర్ గా దూసుకుపోతున్నాడు తమన్. ఇటీవల తమన్ మ్యూజిక్ అందించిన సినిమాలన్నీ మ్యూజికల్ హిట్సే..! అంతే కాదు కొన్ని చిత్రాలకి బ్యాక్ గ్రౌండ్ మ్యూజిక్ డైరెక్టర్ గా కూడా పనిచేస్తూ వస్తున్నాడు. ఇక సోషల్ మీడియాలో కూడా తమన్ చాలా యాక్టివ్ గా ఉంటాడు. దాదాపు తమన్ ను ట్యాగ్ చేసిన ప్రతీ అభిమాని ట్వీట్ కు లైకులు కొడుతుంటాడు. ఈ క్రమంలో మరో స్టార్ మ్యూజిక్ డైరెక్టర్ దేవీ శ్రీ ప్రసాద్‌ను ట్రోల్ చేస్తూ ఓ అభిమాని పెట్టిన ట్వీట్‌ను తమన్ లైక్‌ కొట్టాడు. అది కాస్త వివాదాలకి దారి తీసింది.
ఇదిలా ఉండగా ఇప్పుడు మరోసారి తమన్ సోషల్ మీడియాలో చిన్న తప్పు చేసాడు. అది కాస్త టాక్ ఆఫ్ ది టౌన్ అయ్యింది. విషయం ఏమిటంటే… నాగచైతన్య, సమంత జంటగా నటించిన ‘మజిలీ’ చిత్రం తాజాగా వంద రోజులు పూర్తి చేసుకుంది. ఈ చిత్రానికి తమన్ బ్యాక్ గ్రౌండ్ స్కోర్ అందించాడు. ఇక ‘మజిలీ’ చిత్రం ఈరోజుతో 100 రోజులు పూర్తిచేసుకుంటున్న తరుణంలో తమన్ తన ఫేస్ బుక్ లో చిత్రయూనిట్‌కు శుభాకాంక్షలు తెలుపుతూ పోస్ట్ చేసాడు. ఈ క్రమంలో ‘లీడ్ పెయిర్‌ అంటూ సమంత, అక్కినేని నాగార్జునల పేర్లు రాయడం పై సెటైర్లు పడుతున్నాయి. తమన్ పొరపాటున నాగ చైతన్య ను ట్యాగ్ చేయబోయి నాగార్జునను ట్యాగ్ చేసాడు. అంతే ఇక మన నెటిజన్లు ట్రోల్ చేయడం మొదలు పెట్టారు. ఈ రకంగా తమన్ మరోసారి దొరికిపోయాడు.
Home