Premalu: బుల్లితెరపై ప్రేమలు మూవీ రేటింగ్ ఎంతో తెలిస్తే అవాక్కవ్వాల్సిందే!

ఈ ఏడాది థియేటర్లలో విడుదలై హిట్ గా నిలిచిన చిన్న సినిమాలలో ప్రేమలు ఒకటి. మార్చి నెల 8వ తేదీన తెలుగు రాష్ట్రాల్లోని థియేటర్లలో విడుదలైన ఈ సినిమా ఏప్రిల్ 12వ తేదీ నుంచి ఆహా ఓటిటీలో అందుబాటులోకి వచ్చింది. ఒకింత ఆలస్యంగా ప్రముఖ ఎంటర్టైన్మెంట్ ఛానెల్ లో ప్రసారమైన ప్రేమలు సినిమాకు బుల్లితెరపై ఆశించిన రెస్పాన్స్ రాలేదు. జీ తెలుగు ఛానల్ లో ఈ సినిమా పది రోజుల క్రితం ప్రసారమైంది.

Premalu

తాజాగా ఈ సినిమాకు సంబంధించిన రేటింగ్స్ వెలువడగా ఈ సినిమాకు కేవలం 2.87 రేటింగ్ వచ్చింది. థియేట్లర్లలో హిట్ గా నిలిచిన ప్రేమలు (Premalu)  మూవీ బుల్లితెరపై ఇంత తక్కువ రేటింగ్ ను సొంతం చేసుకోవడం అంటే ఒకింత ఆశ్చర్యం కలిగించే విషయమేనని చెప్పడంలో ఎలాంటి సందేహం అక్కర్లేదు. నస్లెన్ కే గపూర్ (Naslen K. Gafoor), మమితా బైజు (Mamitha Baiju) ప్రధాన పాత్రల్లో తెరకెక్కిన ఈ సినిమా బుల్లితెర ప్రేక్షకులను ఎందుకో మెప్పించలేదు.

ఒకింత ఆలస్యంగా బుల్లితెరపై ప్రసారం కావడం కూడా ఈ సినిమా రేటింగ్ తగ్గడానికి కారణం కావచ్చని నెటిజన్ల నుంచి అభిప్రాయాలు వ్యక్తమవుతున్నాయి. అయితే ఇప్పుడు మంచి రేటింగ్ రాకపోయినా భవిష్యత్తులో బుల్లితెరపై ప్రసారమైన సమయంలో ఈ సినిమా మంచి రేటింగ్ ను సొంతం చేసుకునే ఛాన్స్ అయితే ఉందని నెటిజన్ల నుంచి కామెంట్లు వినిపిస్తున్నాయి.

రాజమౌళి  (Rajamouli)  కొడుకు కార్తికేయ (S. S. Karthikeya)  తెలుగులో ఈ సినిమాను డబ్ చేసి రిలీజ్ చేయడం గమనార్హం. ఈ సినిమాతో తొలిసారి డిస్ట్రిబ్యూషన్ చేసిన కార్తికేయ డిస్ట్రిబ్యూటర్ గా కెరీర్ పరంగా అంతకంతకూ బిజీ అవుతున్నారు. ఈ మధ్య కాలంలో బుల్లితెరపై పెద్ద సినిమాలు సైతం మంచి రేటింగ్స్ సొంతం చేసుకోవడం లేదు. ఇలాంటి సమయంలో ప్రేమలు సినిమాకు తక్కువ రేటింగ్ వచ్చినా ఆశ్చర్యపోవాల్సిన అవసరం లేదని కామెంట్స్ వినిపిస్తున్నాయి.

ప్రభాస్ ఫ్యాన్స్ కు కూల్ చేయడానికి ప్రయత్నిస్తున్న ఓం రౌత్.. ఏమైందంటే?