Om Raut: ప్రభాస్ ఫ్యాన్స్ కు కూల్ చేయడానికి ప్రయత్నిస్తున్న ఓం రౌత్.. ఏమైందంటే?

ప్రభాస్ (Prabhas) ఓం రౌత్ (Om Raut) కాంబినేషన్ లో తెరకెక్కిన ఆదిపురుష్ (Adipurush) మూవీ ఒకింత భారీ స్థాయిలో అంచనాలతో థియేటర్లలో విడుదలై ఆ అంచనాలను అందుకోలేదు. కథ, కథనంలో లోపాలు ఉండటంతో పాటు శ్రీరాముని పాత్రలో ప్రభాస్ లుక్ విషయంలో సైతం కొన్ని విమర్శలు వచ్చాయి. ఈ సినిమాలోని డైలాగ్స్ పై కూడా కొన్ని నెగిటివ్ కామెంట్స్ వినిపించాయి. అయితే ఓం రౌత్ ను ప్రభాస్ ఫ్యాన్స్ పలు సందర్భాల్లో ట్రోల్స్ చేసిన సంగతి తెలిసిందే.

Om Raut

ఓం రౌత్ మాత్రం ప్రభాస్ గురించి తరచూ పాజిటివ్ గా కామెంట్లు చేస్తూ ప్రభాస్ అభిమానులను కూల్ చేయడానికి తన వంతు ప్రయత్నాలు చేస్తున్నారు. తాజాగా ఓం రౌత్ మాట్లాడుతూ ఇండియన్ సిల్వర్ స్క్రీన్ పై సల్మాన్ ఖాన్ (Salman Khan) , ప్రభాస్ మాత్రమే ఫ్లాప్ ప్రూఫ్ స్టార్స్ అని ఈ ఇద్దరు హీరోలకు సినిమా ఫ్లాపైనా వాళ్ల ఇమేజ్ అణువంతైనా చెక్కు చెదరదని ఓం రౌత్ కామెంట్లు చేయడం గమనార్హం.

ప్రభాస్ సినిమాలు టాక్ తో సంబంధం లేకుండా రికార్డ్ స్థాయిలో కలెక్షన్లను సొంతం చేసుకుంటున్న నేపథ్యంలో ఓం రౌత్ ఈ కామెంట్లు చేసి ఉండవచ్చని ప్రభాస్ ఫ్యాన్స్ కామెంట్స్ చేస్తున్నారు. ఆదిపురుష్ సినిమా టాక్ తో సంబంధం లేకుండా 450 కోట్ల రూపాయల గ్రాస్ కలెక్షన్లను సొంతం చేసుకున్న సంగతి తెలిసిందే. మరోవైపు ప్రభాస్ గత రెండు సినిమాలు ఒక సినిమాను మించి మరొకటి సక్సెస్ సాధించాయి.

ది రాజాసాబ్ (The Rajasaab) సినిమా కూడా ప్రభాస్ ఫ్యాన్స్ అంచనాలను మించి ఉండనుందని తెలుస్తోంది. 2025 సంవత్సరం సమ్మర్ కానుకగా రిలీజ్ కానున్న ఈ సినిమా సక్సెస్ సాధించడం ప్రభాస్ కెరీర్ కు కూడా కీలకం అనే సంగతి తెలిసిందే. ప్రభాస్ ఈ సినిమాతో హ్యాట్రిక్ సాధించడం పక్కా అని ఫ్యాన్స్ అభిప్రాయపడుతున్నారు. తన ఇమేజ్ ను మరింత పెంచే సినిమాలకు ప్రభాస్ గ్రీన్ సిగ్నల్ ఇవ్వాలని ఫ్యాన్స్ కామెంట్స్ చేస్తున్నారు.

కింగ్ నాగార్జునలో మార్పు రావడానికి కారణమైన సినిమా ఏదో మీకు తెలుసా?