జ్యోతిలక్ష్మి సినిమాలో ఛార్మి వేశ్యగా నటించి ఆకట్టుకుంది. పవిత్ర సినిమాలో శ్రియ వేశ్యగా మంచి మార్కులు అందుకుంది. వేదం మూవీలో అనుష్క వేశ్యగా అందరి మనసులు గెలుచుకుంది. ఇలా హీరోయిన్స్ సైతం ప్రాస్టిట్యూట్ పాత్రలు పోషించారు. తాజాగా శ్రద్ధాదాస్ వేశ్యగా కనిపించనుంది. అయితే వెండితెరపైనే కాదు. షార్ట్ ఫిలిం లో. సినిమాటోగ్రాఫర్ దీపక్ పాండే డైరెక్షన్ లో శృంగార్ దాన్ టైటిల్ తో తెరకెక్కే షార్ట్ ఫిలింలో ప్రాస్టిట్యూట్ గా కనిపించనుంది. 90ల నాటి కాలంలో ఉత్తర ప్రదేశ్ రాష్ట్రంలోని లక్నోలో సాగే ఈ కథలో షాయిబా అనే యంగ్ బ్యూటిఫుల్ ప్రాస్టిట్యూట్ గా శ్రద్ధ దాస్ నటిస్తోంది.
ఈ విషయం తెలిసి అందరూ షాక్ తిన్నారు. హీరోయిన్ అయి ఉండి.. ప్రస్తుతం సినిమాల్లో అవకాశం లభిస్తున్నా షార్ట్ ఫిలిం చేయడం ఏమిటని ప్రశ్నించగా ఇలా సమాధానం చెప్పింది. ” షార్ట్ ఫిలిం లో షాయిబా క్యారెక్టర్ పోషిస్తున్నాను. ఈ రోల్లో చాలా ఎమోషన్స్ ఉంటాయి. ఈ పాత్ర చేయడం అంటే నాలోని నటికి కొత్త ఛాలెంజ్ లాంటిదే. ఇదో గొప్ప అవకాశంగా భావిస్తున్నా’’ అని శ్రద్ధ దాస్ వివరించింది. ఇది వరకు సినిమాల్లో అవకాశాలు సన్నగిల్లడంతో బాలీవుడ్ బ్యూటీ రాధికా ఆప్టే శృంగార షార్ట్ ఫిలిం లో అందాలు ఆరబోసి వెండితెరపై అవకాశాలు అందుకుంది. మరి ఆమె బాట పట్టిన శ్రద్ధా దాస్ సినిమా అవకాశాలు ఎంతమేర అందుకుంటుందో చూడాలి.
