గత కొన్నేళ్లుగా టాలీవుడ్, బాలీవుడ్ అన్న తేడా లేకుండా అన్నీ ఇండస్ట్రీల్లో బయోపిక్స్ హవా కాస్త గట్టిగా నడుస్తోంది. అందులో స్పోర్ట్స్ స్టార్స్ మీద తీసిన సినిమాలు బాక్సాఫీస్ దగ్గర మంచి వసూళ్లనే రాబుతున్నాయి. ప్రస్తుతం బాలీవుడ్‌లో మన దేశానికి క్రికెట్‌లో తొలి వరల్డ్ కప్ అందించిన కపిల్ దేవ్ జీవిత చరిత్ర ఆధారంగా.. రణ్‌వీర్ సింగ్ హీరోగా “83” బయోపిక్ తెరకెక్కుతోంది.
అందులో భాగంగానే బాడ్మింటన్ క్రీడాకారిణి సైనా నెహ్వాల్ జీవిత కథ ఆధారంగా తెరకెక్కే బయోపిక్ పట్టాలెక్కింది. “సైనా” టైటిల్‌తో తెరకెక్కే ఈ మూవీలో సైనా నెహ్వాల్ పాత్రలో శ్రద్ధాకపూర్ నటిస్తోంది. అమోల్ గుప్తా డైరెక్ట్ చేస్తోన్న ఈ మూవీని టీ సిరీస్ అధినేత భూషణ్ కుమార్ నిర్మిస్తున్నాడు. మరి ఈ మూవీ బాలీవుడ్‌లో ఎలాంటి సంచలనాలు నమోదు చేస్తుందో చూడాలి. ఇకపోతే.. శ్రద్ధకపూర్ టాలీవుడ్ లో నటిస్తున్న “సాహో” చివరి షెడ్యూల్ కి సిద్ధమవుతోంది. ఈ సినిమా విడుదలైతే “సైనా” చిత్రాన్ని తెలుగులో కూడా చిత్రీకరించడమో లేక డబ్బింగ్ రూపంలో విడుదల చేయడమో జరుగుతుంది.
Home