ప్రభాస్ తో త్వరలో కలవనున్నట్లు చెప్పిన శ్రద్ధాకపూర్!

ప్రభాస్ సాహో సినిమాలో హీరోయిన్ గా ఎంపికైనప్పటి నుంచి శ్రద్ధ కపూర్ ఆనందంలో విహరిస్తోంది. బాలీవుడ్ స్టార్ నటీమణుల పోటీ తట్టుకొని ఈ ఛాన్స్ అందుకోవడంతో “సాహో టీమ్ లో నేను భాగం అయినందుకు చాలా ఆనందంగా ఉంది. ప్రభాస్ పక్కన నటించబోతున్నానహో” అంటూ ట్వీట్ చేసి అప్పుడే సంతోషాన్ని పంచుకుంది. తాజాగా ఓ మీడియాకి ఇచ్చిన ఇంటర్వ్యూ లో అనేక ఆసక్తికర సంగతులు చెప్పింది.  “ఇది నా తొలి మల్టీ ల్యాగ్వేజ్ ఫిలిం. ‘సాహో’లో నాది అద్భుతమైన పాత్ర, గొప్ప కథ. ఇది సవాలుతో కూడుకున్నది కూడా. ఒకే సన్నివేశాన్ని రెండు భాషల్లో చేయాలి.

సాహో’ కోసం తెలుగు నేర్చుకుంటున్నాను. తెలుగు భాషపై శిక్షణ తీసుకుంటున్నా’ అని శ్రద్ధా వివరించింది. మరి ప్రభాస్‌ను కలిశారా? అన్న ప్రశ్నకు శ్రద్ధాకపూర్ స్పందిస్తూ.. “మేం ఫోన్‌లో మాట్లాడుకున్నాం. ఆయన్ను త్వరలోనే కలవాలి.’ అని చెప్పింది. యువీ క్రియేషన్స్ బ్యానర్లో వంశీ, ప్రమోద్ లు బడ్జెట్ తో నిర్మిస్తున్న ఈ మూవీ ప్రస్తుతం రామోజీ ఫిలిం సిటీలో వేసిన భారీ సెట్ లో షూటింగ్ జరుపుకుంటోంది. ప్రభాస్ పై కొన్ని యాక్షన్ సీన్స్ తెరకెక్కిస్తున్నారు. ఈ షూటింగ్ లో త్వరలో శ్రద్ధ కపూర్ జాయిన్ కానుంది.

Also, do SUBSCRIBE to our YouTube channel to get latest Tollywood updates.