టాలీవుడ్ స్టార్ హీరోయిన్లలో ఒకరైన శృతిహాసన్ కాటమరాయుడు తర్వాత రెండేళ్లు సినిమాలకు దూరంగా ఉన్నప్పటికీ రీఎంట్రీలో వరుస ఆఫర్లతో సత్తా చాటుతున్నారు. కమల్ హాసన్ కూతురుగా ఇండస్ట్రీలోకి ఎంట్రీ ఇచ్చిన శృతిహాసన్ తక్కువ సమయంలోనే నటిగా తనకంటూ మంచి గుర్తింపును సొంతం చేసుకున్నారు. తెలుగులో స్టార్ హీరోలందరితో నటించిన శృతిహాసన్ తాజాగా ట్విట్టర్ లో నెటిజన్లు అడిగిన ప్రశ్నలకు ఆసక్తికరమైన సమాధానాలిచ్చారు. తనకు టీ అంటే ఎంతో ఇష్టమని కాఫీ అస్సలు తాగనని శృతి అన్నారు. పవన్ కళ్యాణ్ తో కలిసి మూడోసారి పని చేయడం తన అదృష్టమని శృతి పేర్కొన్నారు.
తాను నటి కాకపోయి ఉంటే క్రియేటివ్ గా ఏదో ఒకటి చేసేదాన్ని అని శృతి చెప్పారు. ప్రేమమ్ సినిమాలో చైతన్యతో కలిసి నటించిన శృతి చైతూ చాలా మంచి వ్యక్తి అని చైతన్యతో కలిసి పని చేయడం మధురమైన అనుభవం అని వెల్లడించారు. ప్రశాంత్ నీల్ తో కలిసి పని చేయడం గురించి స్పందిస్తూ ప్రశాంత్ నీల్ చాలా ప్రశాంతంగా ఉంటారని స్పష్టత ఉన్న వ్యక్తి అని శృతి హాసన్ పేర్కొన్నారు. హీరో నాని గురించి కొన్ని మాటలు చెప్పాలనే నెటిజన్ ప్రశ్నకు నాని అద్బుతమైన వ్యక్తి అని నానితో కలిసి పని చేసే అవకాశం తనకు ఇప్పటివరకు రాలేదని శృతి తెలిపారు.
తనకు టైమ్ మెషీన్ దొరికితే 8వ తరగతిలో వెళ్లి కూర్చుంటానని తనకు నలుపు రంగు అంటే ఇష్టమని శృతిహాసన్ అన్నారు. ఇష్టమైన భోజనం గురించి స్పందిస్తూ సాంబార్ అన్నం, దోశ తాను ఎంతో ఇష్టంగా తింటానని ఆమె అన్నారు. నిజం, నిద్ర, కౌగిలింత తనను సంతోషంగా ఉంచే మూడు విషయాలని శృతి పేర్కొన్నారు. స్క్రిప్ట్ నచ్చితే లేడీ ఓరియెంటెడ్ సినిమాలలో నటించడానికి అభ్యంతరం లేదని శృతిహాసన్ వెల్లడించారు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home
