ప్రభాస్ హీరోగా తెరకెక్కుతోన్న భారీ పాన్ ఇండియా చిత్రం ‘సలార్’. ‘కేజీఎఫ్’ ఫేమ్ ప్రశాంత్ నీల్ డైరెక్ట్ చేస్తోన్న ఈ సినిమాలో శృతిహాసన్ హీరోయిన్ గా నటిస్తోంది. ‘సలార్’లో ప్రభాస్ రెండు డిఫరెంట్ గెటప్స్ లో కనిపించనున్నాడనే వార్తలు సోషల్ మీడియాలో చక్కర్లు కొడుతున్నాయి. మరి ఇందులో శృతి ఎలాంటి పాత్రలో కనిపించనుందనే విషయంలో క్లారిటీ వచ్చింది. కథ ప్రకారం శృతిహాసన్ జర్నలిస్ట్ రోల్ లో కనిపించనుంది. అయితే సినిమాలో ఆమె పాత్ర నిడివి చాలా తక్కువ.
ఆ చిన్న పాత్రతోనే సినిమాను మలుపుతిప్పే సన్నివేశాల్లో శృతిహాసన్ కనిపిస్తుందట. నిజానికి శృతిహాసన్ కి జర్నలిస్ట్ రోల్ లో నటించడం కొత్తేమీ కాదు. గతంలో సూర్య నటించిన ‘సింగం 3’లో ఆమె ఇన్వెస్టిగేటివ్ జర్నలిస్ట్ గా కనిపించింది. ఇప్పుడు అదే తరహా పాత్రలో ‘సలార్’లో నటిస్తోంది. ఇప్పటికే ఈ సినిమా సెట్స్ పైకి వచ్చింది శృతి. ప్రభాస్ తో ఈమె కాంబినేషన్ సీన్లను తెరకెక్కించారు. వచ్చే నెల నుండి ఆమె మరోసారి ‘సలార్’ సెట్స్ పైకి రావాల్సివుంది.
దీనికోసం హైదరాబాద్ శివార్లలో భారీ సెట్ ను నిర్మించారు. అయితే కరోనా కేసులు పెరుగుతున్న నేపథ్యంలో.. షూటింగ్ లను వాయిదా వేసే ఛాన్స్ ఉంది. దీంతో ‘సలార్’ కొత్త షెడ్యూల్ డైలమాలో పడింది. హోంబలే ఫిలిమ్స్ నిర్మిస్తోన్న ఈ సినిమా 2022 ఏప్రిల్ 14న విడుదల అయ్యే అవకాశం ఉంది. తెలుగుతో పాటు కన్నడ, తమిళం, మలయాళం, హిందీ భాషల్లో ఈ సినిమా విడుదల కానుంది.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home