Shruti Haasan: సమంతకు పోటీగా మారిన శృతి.. ఏమైందంటే..?

June 9, 2021 / 02:39 PM ISTByFilmy Focus

Join Us

Shruti Haasan: సమంతకు పోటీగా మారిన శృతి.. ఏమైందంటే..?

స్టార్ హీరోయిన్ శృతిహాసన్ మిగతా హీరోయిన్లతో పోలిస్తే భిన్నమనే సంగతి తెలిసిందే. టాలెంట్ పుష్కలంగా ఉన్న శృతిహాసన్ రీఎంట్రీలో వరుసగా స్టార్ హీరోల సినిమాల్లో అవకాశాలను సొంతం చేసుకుంటూ స్టార్ హీరోయిన్లకు, కొత్త హీరోయిన్లకు ఝలక్ ఇస్తున్నారు. తాజాగా ఇన్ స్టాగ్రామ్ ద్వారా లైవ్ సెషన్ నిర్వహించిన శృతి హాసన్ నెటిజన్లు అడిగిన కొన్ని ప్రశ్నలకు కుదరదంటే కుదరదని చెప్పారు. ఒక నెటిజన్ శృతి హాసన్ ను మీ మొబైల్ నంబర్ ఇస్తారా..? అని అడగగా మొబైల్ నంబర్ ఇవ్వనని శృతి తేల్చి చెప్పారు.

మరొక నెటిజన్ శృతి..! మీరు నన్ను పెళ్లి చేసుకుంటారా..? అని ప్రశ్నించగా పెళ్లి చేసుకోవడం కూడా కుదరదని శృతిహాసన్ అన్నారు. అలా ఇద్దరు అభిమానులు అడిగిన ప్రశ్నలకు కుదరదు అంటూ శృతిహాసన్ సమాధానం ఇచ్చారు. క్రాక్ సినిమా గురించి మాట్లాడుతూ ఆ సినిమాలో తాను చేసిన యాక్షన్ సీన్లకు ప్రేక్షకుల నుంచి మంచి స్పందన వచ్చిందని ఆమె అన్నారు. సలార్ సినిమాలో తనకు మంచి పాత్ర లభించిందని అయితే ఈ సినిమాలో తను యాక్షన్ సన్నివేశాల్లో నటించడం లేదని శృతి పేర్కొన్నారు.

ప్రభాస్ తో కలిసి నటిస్తున్నందుకు తనకు సంతోషంగా ఉందని శృతిహాసన్ అన్నారు. సినిమాలతో పాటు హిందీలో ఒక వెబ్ సిరీస్ లో నటిస్తున్నానని శృతిహాసన్ వెల్లడించారు. స్టార్ హీరోయిన్ సమంత ఇప్పటికే ఫ్యామిలీ మేన్2 వెబ్ సిరీస్ లో నటించి సక్సెస్ సాధించిన సంగతి తెలిసిందే. శృతి హాసన్ కూడా వెబ్ సిరీస్ లలో నటిస్తూ సమంతకు గట్టి పోటీ ఇస్తున్నారని చెప్పాలి.