యంగ్‌ స్టార్ హీరోలతో ఓవైపు, సీనియర్ స్టార్ హీరోలతో మరోవైపు సినిమాలు చేస్తున్న హీరోయిన్‌ ఇప్పుడు సౌత్‌ సినిమాలో ఎవరైనా ఉన్నారా అంటే అది శ్రుతి హాసన్‌ అనే చెప్పాలి. ఓవైపు చిరంజీవి (Chiranjeevi) , బాలకృష్ణ (Balakrishn) లాంటి సీనియర్ స్టార్ హీరోలతో నటిస్తూనే… ప్రభాస్‌ (Prabhas) , అడివి శేష్‌ (Adivi Sesh) లాంటి స్టార్‌లతో కూడా నటిస్తోంది. అలా ఇప్పుడు ఆమె మరో సీనియర్ స్టార్ హీరో సినిమాకు ఓకే చెప్పింది అంటున్నారు. అన్నీ అనుకున్నట్లుగా జరిగితే రజనీకాంత్ సినిమాలో శ్రుతి నటిస్తుందని చెప్పొచ్చు.
అవును, మీరు చదివింది కరెక్ట్‌. రజనీకాంత్ (Rajinikanth) – లోకేశ్‌ కనగరాజ్‌ (Lokesh Kanagaraj) కాంబినేషన్‌లో రూపొందనున్న కొత్త సినిమాలలో శ్రుతిని కీలక పాత్ర కోసం తీసుకున్నారు అని కోడంబాక్కం వర్గాల సమాచారం. ఇటీవల ఈ సినిమా ప్రీలుక్‌ పోస్టర్‌ను రిలీజ్‌ చేసి మెప్పించారు టీమ్‌. ఇక ఈ నెల 22న తలైవా 171వ (Thalaivar171) సినిమా టైటిల్‌ను అధికారికంగా ప్రకటిస్తారు. ఆ రోజే శ్రుతి (Shruthi Haasan) సంగతి కూడా తేలిపోతుంది అని చెబుతున్నారు.
రజనీ సినిమాలో కీలక పాత్ర కోసం చూస్తుండగా… శ్రుతి అయితే బాగుంటుంది అని టీమ్‌ భావించిందట. ఆ పాత్ర రజనీకి కుమార్తెలా ఉంటుందని, అయితే అందులో ఓ ట్విస్ట్‌ కూడా ఉంటుందని సినిమా సన్నిహిత వర్గాలు చెబుతున్నాయి. ఒకవేళ ఈ సినిమాలో ఆమె నటిస్తే.. మొన్నటి మొన్న దర్శకుడితో ‘ఇనిమేల్‌’ అంటూ ఓ రొమాంటిక్‌ చేసి, ఇప్పుడు అదే దర్శకుడి సినిమాలో నటిగా చేయబోతోంది అన్నమాట.
ఇక ఈ సినిమా విషయానికొస్తే… బంగారం స్మగ్లింగ్‌ మాఫియా నేపథ్యంలో ఈ సినిమా సాగనున్నట్లు తెలుస్తోంది. ఈ సినిమాలో రజనీ పాత్ర మునుపెన్నడూ చూడని సరికొత్త రీతిలో కనిపిస్తాడట. కాస్త నెగిటివ్‌ టచ్‌ కూడా ఉంటుంది అంటున్నారు. జూన్‌ నుండి ఈ సినిమా రెగ్యులర్‌ చిత్రీకరణ ప్రారంభిస్తారని సమాచారం. మరి ఈ సినిమా ‘లోకేశ్‌ సినిమాటిక్‌ యూనివర్స్’లో భాగమా కాదా అనేది తేలాల్సి ఉంది. మరి సినిమా ఓపెనింగ్‌ నాడు ఏమన్నా ఈ విషయంలో క్లారిటీ వస్తుందేమో చూడాలి.
