Shruti Hassan: సినిమా షూటింగులతో బిజీగా ఉన్నా.. ఆ వార్తలలో నిజం లేదు!

July 6, 2022 / 01:08 PM ISTByFilmy Focus

Join Us

Shruti Hassan: సినిమా షూటింగులతో బిజీగా ఉన్నా.. ఆ వార్తలలో నిజం లేదు!

కమల్ హాసన్ కుమార్తెగా ఇండస్ట్రీలోకి అడుగు పెట్టిన నటి శృతిహాసన్ గురించి ప్రత్యేకంగా చెప్పాల్సిన పనిలేదు. ప్రస్తుతం శృతిహాసన్ వరుస సినిమా షూటింగులతో ఎంతో బిజీగా ఉన్నారు. ఇలా సినిమాల పరంగా ఎంతో బిజీగా ఉండే శృతిహాసన్ సోషల్ మీడియాలో కూడా యాక్టివ్ గా ఉన్నారు. అయితే గత కొద్ది రోజుల క్రితం శృతిహాసన్ తాను హార్మోన్ ఇన్ బ్యాలెన్స్ సమస్యలతో బాధపడుతున్నానని వెల్లడించారు. అయితే ఈ సమస్య మహిళల్లో సర్వసాధారణమని కానీ నేను దానిని ఒక సమస్యగా భావించడం లేదని,

ఆ సమస్య నుంచి బయటపడటం కోసం పోరాడుతున్నాను అంటూ శృతిహాసన్ ఒక పోస్ట్ చేశారు. ఈ పోస్ట్ వైరల్ గా మారింది. ఈ విషయాన్ని కొన్ని యూట్యూబ్ ఛానల్ వాళ్ళు వారికి అనుగుణంగా థంబ్ నెయిల్ పెట్టీ రచ్చ చేశారు. ఈ విధంగా ఈ వార్త వైరల్ కావడంతో శృతిహాసన్ ఫ్రెండ్ కంగారు పడినట్లు వెల్లడించారు. ఈ విధంగా శృతిహాసన్ ఆరోగ్య సమస్యల గురించి పెద్ద ఎత్తున వార్తలు రావడంతో ఈ వార్తలపై శృతిహాసన్ స్పందించారు.

ఈ సందర్భంగా ఆమె ఒక వీడియోని పోస్ట్ చేస్తూ. నేను హాస్పిటల్లో లేను.. ఆరోగ్యం బాగానే ఉంది.. నా గురించి వస్తున్న ఈ వార్తలలో ఏ మాత్రం నిజం లేదు ఈ వీడియో చూస్తే మీ అందరికీ అర్థమవుతుంది కదా అంటూ కొట్టి పారేశారు. ఈ క్రమంలోనే ఈమె షేర్ చేసిన ఈ వీడియో వైరల్ గా మారింది. ప్రస్తుతం తాను వరుస సినిమా షూటింగులతో బిజీగా ఉన్నానని తనకు ఎలాంటి అనారోగ్య సమస్యలు లేవని శృతిహాసన్ చెప్పుకొచ్చారు.

ప్రస్తుతం శృతిహాసన్ ప్రభాస్ సరసన సలార్ సినిమా షూటింగ్ తో బిజీగా ఉన్నారు. అదేవిధంగా బాలకృష్ణ గోపీచంద్ మలినేని దర్శకత్వంలో తెరకెక్కుతున్న సినిమా షూటింగ్ తో కూడా ఈమె బిజీగా ఉన్నారు. త్వరలోనే మెగాస్టార్ చిరంజీవి సినిమా షూటింగ్ కూడా ప్రారంభం కానుంది. మెగాస్టార్ సరసన శృతిహాసన్ నటిస్తున్న సంగతి మనకు తెలిసింది. ఈ విధంగా శృతిహాసన్ సినిమా షూటింగులతో బిజీగా ఉండగా తన గురించి ఇలాంటి వార్తలు రావడంతో శృతిహాసన్ స్పందించాల్సి వచ్చింది.