Shyam Singha Roy OTT Release Date: నాని ఇంటికొచ్చే డేట్ ఇదే!

పక్కింటి కుర్రాడు నాని మన ఇంటికి వచ్చే సమయం ఆసన్నమైంది. నాని నటించిన కొత్త సినిమా ‘శ్యామ్‌ సింగరాయ్‌’ సినిమా ఓటీటీ రిలీజ్‌ డేట్‌ను అనౌన్స్‌ చేశారు. సంక్రాంతి కానుకగా సినిమాను జనవరి 11 నుండి స్ట్రీమింగ్‌ చేయనున్నట్టు నెట్‌ఫ్లిక్స్‌ ప్రకటించింది. ఈ మేరకు నెట్‌ఫ్లిక్స్‌ ప్రకటించింది. దీంతో ‘ఈ క్రిస్మస్‌ మనదే’ అంటూ గతేడాది హిట్‌ కొట్టిన నాని… ఇప్పుడు సంక్రాంతి కానుకగా ఓటీటీల్లోకి వస్తోంది. మరి ఓటీటీల్లో ఈ సినిమా ఏ మేరకు ఆకట్టుకుంటోంది.

‘శ్యామ్‌ సింగరాయ్‌’కి ముందు రెండు సినిమాలు నేరుగా ఓటీటీలో విడుదలైన విషయం తెలిసిందే. అవే ‘వి’, ‘టక్‌ జగదీష్‌’. ఈ సినిమాలకు సరైన స్పందన రాలేదని ఓటీటీ వర్గాలు చెబుతున్నాయి. అయితే ఆ రెండూ హిట్‌ అని నాని అన్నాడు. అది వేరే విషయం అనుకోండి. ఇప్పుడు థియేటర్లలో అదరగొట్టిన సినిమా, ఓటీటీలో ఏం చేస్తుందో చూడాలి. గత రెండు సినిమాల తరహాలో మోస్తరు ప్రదర్శన చేస్తుందో, లేక థియేటర్ల తరహాలో మంచి పేరే తెచ్చుకుంటుందో చూడాలి.

బెంగాల్‌ నేపథ్యంలో పునర్జన్మల బేస్డ్‌లో సాగిన సినిమా ‘శ్యామ్ సింగరాయ్‌’. నాని సరసన సాయిపల్లవి, కృతి శెట్టి నటించారు. మడోన్నా సెబాస్టియన్‌ కీలక పాత్రలో నటించిన ఈ సినిమాకు రాహుల్‌ సాంకృత్యాన్‌ దర్శకత్వం వహించాడు. గతేడాది డిసెంబరు 23న రిలీజైన ఈ సినిమా ఇప్పటికీ కొన్ని ప్రాంతాల్లో థియేటర్లలో నడుస్తోంది. కరోనా కేసులు పెరుగుతున్న నేపథ్యంలో థియేటర్లకు కొంతమంది జనాలు రావడానికి భయపడుతున్నారు. ఇప్పుడు ఓటీటీకి సినిమా వస్తున్న విషయం తెలిసిన నేపథ్యంలో ఫ్యాన్స్‌కి పండగే అని చెప్పాలి.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!