Siddharth: టాలీవుడ్‌పై సిద్ధార్థ ప్రేమ చూశారా..!

టాలీవుడ్‌ నటుడు కాని టాలీవుడ్‌ నటుడు సిద్ధార్థకు తెలుగు పరిశ్రమ మీద ఇటీవల ప్రేమ ఎక్కువైనట్లుంది. ఎంతైనా స్టార్‌ నటుడి గుర్తింపు రుచిని చూపించిన ఇండస్ట్రీ కదా. ఆ మాత్రం ఉంటుంది. ఆ తర్వాత దాన్ని ఆయన కొనసాగించుకోలేకపోయాడు. ఆ విషయం పక్కన పెడితే.. మొన్నీ మధ్య ‘పాన్‌ ఇండియా’ సినిమా వసూళ్ల మీద సెటైర్‌ వేసిన సిద్ధార్థ… ఇప్పుడు సినిమా టికెట్‌ ధరల విషయాన్ని టచ్‌ చేశాడు. ఈ మేరకు ట్విటర్‌లో ఓ ఆసక్తికర పోస్టు పెట్టాడు. ఇప్పుడు సోషల్‌ మీడియాలో దాని గురించే చర్చ నడుస్తోంది.

టాలీవుడ్‌లో సినిమా పరిస్థితి ఎలా ఉందో ప్రత్యేకం చెప్పక్కర్లేదు. ఎంత మంచి సినిమా వచ్చినా ఆంధ్రప్రదేశ్‌లో సరైన కలెక్షన్లు సాధించలేని పరిస్థితి. కారణం అక్కడ సినిమా టికెట్ల ధరలు బాగా తక్కువగా ఉండటమే. దీనిపై కథానాయకుడు నాని ఇటీవల స్పందించిన విషయం తెలిసిందే. దీనిపై రాత్రి నటుడు సిద్ధార్థ కూడా స్పందించాడు. కాస్త సెటైరికల్‌గా మాట్లాడాడు. ఏపీ ప్రభుత్వ పెద్దల పేర్లు ఎత్తకుండా, టికెట్‌ ధరల విషయమై చురక అంటించేలా ట్వీట్లు చేశాడు.

‘‘సినిమా టికెట్‌ ధరలు తగ్గించి.. ప్రేక్షకులకు మంచి చేస్తున్నాం అని చెబుతున్న మంత్రులూ… నా నుండి మీకో ప్రశ్న. మేం పన్నులు చెల్లిస్తున్నాం. అందులో ఎక్కువ శాతం మీ లగ్జరీలకే వెళ్తోంది. దాంతోపాటు రాజకీయ నాయకుల అవినీతి దాహానికి కొన్ని లక్షల కోట్లు పోతున్నాయి. అందుకే లగ్జరీలు తగ్గించుకోండి. మాకు డిస్కౌంట్‌ ఇవ్వండి’’ అంటూ సిద్ధార్థ ట్వీట్‌ చేశాడు. అయితే ఇందులో ఎవరినీ ట్యాగ్‌ చేయలేదు. ఏ ఇండస్ట్రీ గురించి అని కూడా చెప్పలేదు.

అయితే ట్వీట్‌ ఆఖరున వాట్‌ లాజిక్‌ ఏంటి అంటూ ప్రశ్నించారు సిద్ధార్థ. టాలీవుడ్‌ పరిస్థితి ఇప్పుడేం బాగోలేదు. ఎవరికి వాళ్లు పంతాలకు పోతున్నారు అనుకోవాలా? లేక సమయం కోసం వేచి చూస్తున్నారో తెలియడం లేదు. అయితే మధ్యలో ఒకరిద్దరి మాటలు మళ్లీ పరిస్థితిలో హీట్‌ను పుట్టిస్తున్నాయి. చర్చలతోనే పనులు నడుస్తాయని ఓ వైపు సినిమా పెద్దలు చెబుతున్నారు. మరోవైపు ఒకరిద్దరు ఇలా కామెంట్స్‌ చేస్తున్నారు. దీంతో పరిస్థితి అంత సవ్యంగా ఉన్నట్లు అనిపిండచం లేదు.

శ్యామ్ సింగరాయ్ సినిమా రివ్యూ & రేటింగ్!

Most Recommended Video

83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!