తమిళ సినిమాలను తెలుగులో డబ్ చేసి రిలీజ్ చేయడం కామనే. సూర్య, విజయ్, అజిత్, రజినీకాంత్ లాంటి హీరోల సినిమాలకు తెలుగులో కూడా మంచి క్రేజ్ ఉంటుంది. ఈ మధ్యకాలంలో కోలీవుడ్ యంగ్ హీరోలకు కూడా తెలుగులో మార్కెట్ ఏర్పడింది. ఆ విధంగా కోలీవుడ్ నిర్మాతలు తెలుగులో కూడా సొమ్ము చేసుకుంటున్నారు. ఎక్కువ రేట్లు కాదు కాబట్టి తెలుగు నిర్మాతలు తమిళ సినిమాలను టేకప్ చేయడానికి ముందుకొస్తున్నారు. తాజాగా మరో డబ్బింగ్ సినిమా తెలుగులో రిలీజ్ కాబోతుంది.
దాదాపు మూడున్నర దశాబ్దాలుగా తెలుగులో గ్యాప్ లేకుండా సినిమాలు తీస్తోన్న నిర్మాణ సంస్థ స్రవంతి మూవీస్.. ఇప్పుడు డబ్బింగ్ సినిమాతో అలరించబోతున్నారు. ఇదివరకు స్రవంతి రవికిశోర్ టేకప్ చేసిన ‘నాయకుడు’, ‘పుష్పక విమానం’, ‘రఘువరన్ బీటెక్’ లాంటి డబ్బింగ్ సినిమాలన్నీ తెలుగులో మంచి హిట్ అయ్యాయి. చాలా కాలం తరువాత ఆయన మళ్లీ డబ్బింగ్ సినిమా రిలీజ్ చేయనున్నారు. శింబు హీరోగా గౌతమ్ మీనన్ దర్శకత్వంలో రూపొందిన ‘వెందు తనిందదు కాదు’ సినిమాను తెలుగులో రిలీజ్ చేస్తున్నారు.
ఈ సినిమాలో శింబు వైవిధ్యమైన పాత్రలో కనిపించనున్నారు. చిన్నతనం నుంచి ఓల్డేజ్ వరకు వివిధ గెటప్స్ లో కనిపించనున్నారు శింబు. నిజానికి ఈ సినిమా మొదలై చాలా కాలమవుతున్నా.. కోవిడ్ కారణంగా ఆలస్యమైంది. ఈ నెల 15న సినిమాను రిలీజ్ చేయబోతున్నారు. తమిళంలో మంచి క్రేజ్ ఉన్న ఈ సినిమాకి ఏఆర్ రెహమాన్ సంగీతం అందిస్తున్నారు. ఇంత తక్కువ సమయంలో ఈ సినిమాను జనాలకు రీచ్ అయ్యేలా ఎలా చేస్తారో చూడాలి..!
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
