ఆగస్టు 15న ఎస్3 ట్రైలర్!

ఇటీవలే రుమేనియా, మలేసియాల్లో షూటింగ్ పూర్తి చేసుకున్న ఎస్ 3.. ప్రస్తుతం చెన్నైలో షూటింగ్ జరుపుకుంటోంది. చెన్నై పరిసర ప్రాంతాల్లో కీలక పాత్రల మధ్య పలు సన్నివేశాలను ప్రస్తుతం చిత్రీకరిస్తున్నారు. ఈ చిత్రంలో సూర్య పవర్ ఫుల్ పోలీస్ అధికారి పాత్రలో కనిపించనుండగా.. అనుష్క, శృతి హాసన్ లు జంటగా నటించనున్నారు. ఈ చిత్రం అక్టోబర్ 7న ప్రేక్షకుల ముందుకు రానుండగా.. చిత్ర ట్రైలర్ ను ఆగష్టు 15 న స్వాతంత్ర్య దినోత్సవ కానుకగా విడుదల చేయడానికి చిత్ర బృందం సన్నాహాలు చేస్తున్నట్లు సమాచారం.

హరి దర్శకత్వంలో తెరకెక్కుతున్న ఈ చిత్రాన్ని స్టూడియో గ్రీన్ పతాకంపై రూపొందిస్తున్నారు. హారిస్ జయరాజ్ చిత్రానికి స్వరాలు సమకూరుస్తున్నారు. సింగం సిరీస్ లో వచ్చిన గత రెండు చిత్రాలు బాక్సాఫీస్ వద్ద మంచి విజయాన్ని నమోదు చేయడంతో.. ఈ చిత్రంపై అంచనాలు బాగానే ఉన్నాయి.