మహేష్, కీర్తి సురేష్ హీరోహీరోయిన్లుగా తెరకెక్కిన సర్కారు వారి పాట సినిమా ఈ నెల 12వ తేదీన థియేటర్లలో విడుదలై మిక్స్ డ్ టాక్ తెచ్చుకున్న సంగతి తెలిసిందే. అయితే బాక్సాఫీస్ వద్ద ఈ సినిమాకు మరో పెద్ద సినిమా నుంచి పోటీ లేకపోవడం ప్లస్ అవుతోంది. వీక్ డేస్ లో కూడా ఈ సినిమా బుకింగ్స్ పరవాలేదనిపించే విధంగా ఉన్నాయి. సెకండాఫ్ మరింత మెరుగ్గా ఉండి ఉంటే సర్కారు వారి పాట కలెక్షన్లు మరింత పెరిగేవని ఫ్యాన్స్ భావిస్తున్నారు.
సింగిల్ స్క్రీన్లతో పోల్చి చూస్తే మల్టీప్లెక్స్ లలో సర్కారు వారి పాట సినిమా మరింత మెరుగైన కలెక్షన్లను సాధిస్తోంది. తాజాగా ఏపీలోని కర్నూలులో సర్కారు వారి పాట మూవీ సక్సెస్ సెలబ్రేషన్స్ జరిగాయి. ఈ వేడుకలో మహేష్ బాబు ఎమోషనల్ కావడంతో పాటు ఆసక్తికర వ్యాఖ్యలు చేశారు. సర్కారు వారి పాట సినిమాను కుటుంబంతో కలిసి చూశానని సినిమా చూసిన తర్వాత మా అబ్బాయి గౌతమ్ గట్టిగా హగ్ చేసుకుని షేక్ హ్యాండ్ ఇచ్చాడని మహేష్ బాబు చెప్పుకొచ్చారు.
సితార సర్కారు వారి పాట సినిమా చూసి అన్ని సినిమాలతో పోల్చి చూస్తే ఈ సినిమాలో బాగా నటించావని కామెంట్లు చేసిందని మహేష్ బాబు అన్నారు. ఈ సినిమాలో చాలా అందంగా కనిపించావని సితార చెప్పారని మహేష్ కామెంట్లు చేశారు. కొడుకు, కూతురు నుంచి సర్కారు వారి పాట సినిమాకు వచ్చిన ప్రశంసల విషయంలో సూపర్ స్టార్ మహేష్ బాబు మురిసిపోయారు. తండ్రి కృష్ణ ఈ సినిమాను చూసి పోకిరి, దూకుడు కంటే పెద్ద హిట్ అవుతుందని చెప్పారని మహేష్ తెలిపారు.
మరోవైపు ఈ సినిమా రికార్డ్ స్థాయిలో కలెక్షన్లను సాధిస్తోంది. టికెట్ రేట్లను పెంచడం వల్ల ఫస్ట్ వీకెండ్ వరకు ఆక్యుపెన్సీతో సంబంధం లేకుండా సర్కారు వారి పాట భారీస్థాయిలో కలెక్షన్లను సాధించింది. మహేష్ బాబుకు లేడీస్ లో ఊహించని స్థాయిలో ఫ్యాన్ ఫాలోయింగ్ ఉండగా ఆ ఫ్యాన్ ఫాలోయింగ్ వల్ల సర్కారు వారి పాట కలెక్షన్లు మరింత పెరిగాయని తెలుస్తోంది. హీరోయిన్ కీర్తి సురేష్ కెరీర్ కు ఈ సినిమా ప్లస్ అవుతోందని చెప్పవచ్చు.
Most Recommended Video
మహేష్ బాబు 26 సినిమాలు.. మరియు వాటి బాక్సాఫీస్ కలెక్షన్లు..!
‘భద్ర’ టు ‘అఖండ’.. బోయపాటి డైరెక్ట్ చేసిన సినిమాల కలెక్షన్లు..!
‘దూకుడు’ టు ‘సర్కారు వారి పాట’.. ఓవర్సీస్ లో మహేష్ బాబు 1 మిలియన్ మూవీస్ లిస్ట్..!
