Skanda, Bhagavanth Kesari: బుల్లితెరపై అదరగొట్టిన స్కంద, భగవంత్.. రేటింగ్ ఎంతంటే?

ఈ మధ్య కాలంలో బుల్లితెరపై ఎంత పెద్ద సినిమా ప్రసారమైనా మంచి రేటింగ్ ను సొంతం చేసుకోవడంలో ఫెయిలవుతున్నాయి. పెద్ద సినిమాలలో చాలా సినిమాలు 5 కంటే ఎక్కువ రేటింగ్ ను సొంతం చేసుకోలేదు. అయితే స్కంద, భగవంత్ కేసరి సినిమాలు మాత్రం బుల్లితెరపై రేటింగ్ విషయంలో అదరగొట్టాయి. స్కంద స్టార్ మా ఛానల్ లో ప్రసారం కాగా భగవంత్ కేసరి జీ తెలుగు ఛానల్ లో ప్రసారమైంది. ఈరోజు గురువారం కావడంతో ఈ రెండు సినిమాల బార్క్ రేటింగ్ గురించి క్లారిటీ వచ్చేసింది.

స్కంద సినిమాకు బుల్లితెరపై 8.4 టీఆర్పీ రాగా భగవంత్ కేసరి (Bhagavanth Kesari) సినిమాకు బుల్లితెరపై 7.69 రేటింగ్ వచ్చింది. వరల్డ్ టెలివిజన్ ప్రీమియర్స్ గా ఈ రెండు సినిమాలు బుల్లితెరపై ప్రసారం కావడం గమనార్హం. కలెక్షన్ల పరంగా భగవంత్ కేసరి పైచేయి సాధించినా రేటింగ్ విషయంలో మాత్రం స్కంద సత్తా చాటింది. థియేటర్లలో స్కంద చూడటం మిస్సైన ప్రేక్షకులు బుల్లితెరపై చూడటం వల్ల కూడా ఈ సినిమాకు రేటింగ్ పెరిగిందని కామెంట్లు వ్యక్తమవుతున్నాయి.

ఈ మధ్య కాలంలో బోయపాటి శ్రీను సినిమాల శాటిలైట్ హక్కులను కొనుగోలు చేయడానికి స్టార్ మా ఎక్కువగా ఆసక్తి చూపుతోంది. బోయపాటి గత సినిమాల శాటిలైట్ హక్కులు సైతం ఈ ఛానల్ సొంతమయ్యాయి. రామ్ సినిమాకు మంచి రేటింగ్ రావడంతో ఆ హీరో ఫ్యాన్స్ సంతోషిస్తున్నారు. బాలయ్య, బోయపాటి శ్రీను మధ్య మంచి అనుబంధం ఉండగా రేటింగ్స్ విషయంలో ఈ ఇద్దరి సినిమాలు పోటీ పడటం గమనార్హం.

సెకండ్, థర్డ్ టెలీకాస్ట్ లలో ఈ సినిమాలకు ఎలాంటి రేటింగ్స్ వస్తాయో చూడాల్సి ఉంది. బోయపాటి శ్రీను సినిమాలు థియేట్రికల్ రిజల్ట్ తో సంబంధం లేకుండా బుల్లితెరపై మంచి రేటింగ్ ను సొంతం చేసుకుంటున్నాయి. చరణ్ బోయపాటి కాంబోలో తెరకెక్కిన వినయ విధేయ రామ సినిమాకు సైతం ఫస్ట్ టెలీకాస్ట్ లో మంచి రేటింగ్ వచ్చింది.

అంబాజీపేట మ్యారేజ్ బ్యాండ్ సినిమా రివ్యూ & రేటింగ్!

మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!