రామ్ చరణ్, బోయపాటి సినిమాలో కీలక రోల్ పోషించనున్న స్నేహ

బోయపాటి శ్రీను సినిమా అనగానే భారీ యాక్షన్ సీన్స్ మాత్రమే కాదు.. స్టార్స్ తో నిండిపోయి ఉంటుంది. అలనాటి స్టార్ హీరోలు, హీరోయిన్లకు బోయపాటి అద్భుతమైన క్యారెక్టర్స్ ఇచ్చి కొత్తగా చూపిస్తుంటారు. జయ జానకి నాయకి సినిమా తర్వాత బోయపాటి శ్రీను రామ్ చరణ్ తో సినిమా చేస్తున్నసంగతి తెలిసిందే. ఈ మూవీ రెగ్యులర్ షూటింగ్ ఈ రోజు హైదరాబాద్ గచ్చిబౌలిలోని వన దేవత ఆలయంలో ప్రారంభమైంది. రంగస్థలం సినిమా తర్వాత రామ్ చరణ్ చేస్తున్న ఈ సినిమాలో బాపు బొమ్మ, అలనాటి హీరోయిన్ స్నేహ కీలకరోల్ పోషించనున్నట్టు తెలిసింది. స్నేహ పెళ్లి తర్వాత కొంతకాలం సినిమాలకు బ్రేక్ ఇచ్చింది.

అల్లు అర్జున్ సన్నాఫ్ సత్యమూర్తి సినిమాలో మంచి రోల్ చేసింది. ఆ తర్వాత ఆమెను ఎంతమంది తెలుగు డైరక్టర్లు కలిసినప్పటికీ ఒప్పుకోలేదు. బోయపాటి చెప్పిన క్యారక్టర్ నచ్చడంతో ఆమె ఒప్పుకుందని ఫిలిం నగరవాసులు చెప్పారు. ఆమెకు ఈ సినిమా మంచి పేరు తెచ్చిపెడుతుందని అంటున్నారు. డీవీవీ ఎంటర్ టైన్మెంట్ బ్యానర్ పై తెరకెక్కుతోన్న ఈ సినిమాలో చరణ్ కి జోడీగా బాలీవుడ్ బ్యూటీ కైరా అద్వానీ ఖరారు అయింది. ఈమె ప్రస్తుతం భరత్ అనే నేను సినిమాలో మహేష్ కి జోడీగా నటిస్తోంది. ఆ చిత్రం రిలీజ్ కాకముందే ఇందులో అవకాశం పట్టేసింది. అరుదైన కాంబినేషన్లో రూపుదిద్దుకుంటున్న ఈ చిత్రంపై భారీ అంచనాలున్నాయి.