రణ్‌వీర్‌ సింగ్‌ సినిమాలో తెలుగు అందం… అడిగితే నో అనడం లేదు!

శోభిత దూళిపాళ్ల హిందీలో కెరీర్‌ను మొదలుపెట్టి… ఆ తర్వాత తెలుగులో సినిమాలు చేసిన తెలుగు అమ్మాయి. కెరీర్‌ ఇప్పుడు ఫుల్‌ స్వింగ్‌లో ఉంది అని చెప్పలేం కానీ… వరుస సినిమాలైతే చేస్తోంది. తెలుగు, హిందీ అని కాకుంఆ మలయాళంలో కూడా నటిస్తోంది. ఇప్పుడు కెరీర్‌లో తొలిసారి ఓ బాలీవుడ్‌ బ్లాక్‌బస్టర్‌ సీక్వెల్‌లో నటించబోతోంది అని టాక్‌. ఈ విషయం ఆమెనే అడిగితే క్లారిటీ ఇచ్చినట్లే.. ఇవ్వలేదు. దీంతో ఇప్పుడు ఆ సినిమా గురించి చర్చ మొదలైంది.

బాలీవుడ్‌ యాక్షన్‌ సినిమా ఫ్రాంచైజీల్లో ‘డాన్‌’కి మంచి ట్రాక్‌ రికార్డు ఉంది. ఈ సిరీస్‌లో రెండు సినిమాలు ఇప్పటివరకు వచ్చి భారీ విజయం అందుకున్నాయి. ఇప్పుడు మూడో సినిమా పట్టాలెక్కడానికి సిద్ధమవుతోంది. అయితే షారుఖ్‌ ఖాన్‌ను హీరోగా ఎంచుకోకుండా, రణ్‌వీర్‌ సింగ్‌ను ఎంచుకున్నారు దర్శకుడు ఫరాన్‌ అక్తర్‌. అయితే ఈ సినిమాలో హీరోయిన్ల సంఖ్య భారీగానే ఉంటుంది అని చెబుతున్నారు. అందరూ గ్లామర్‌ డాల్స్‌లా కాకుండా బలైమన పాత్రలే చేస్తాడు.

ఈ క్రమంలో ఓ కథానాయికగా (Sobhita Dhulipala) శోభిత దూళిపాళను సంప్రదించారని ఓ టాక్‌ వచ్చింది. దీని గురించి ఆమె దగ్గర ప్రస్తావిస్తే… ఆసక్తికరమైన సమాధానం ఇచ్చింది. ‘‘డాన్‌ 3’ సినిమాలో హీరోయిన్‌గా చేస్తున్నారా? అని అడిగితే… ‘డాన్‌’ ఒక క్లాసిక్‌ మూవీ. ఆ సినిమాకు కొనసాగింపుగా వస్తున్న ‘డాన్‌ 3’ సినిమాలో భాగం కావాలని ఎవరికి మాత్రం ఉండదు చెప్పండి అంటూ ఎదురు ప్రఅ్న వేసింది. అంతేకాదు ఆ సినిమాలో నటిస్తున్నాను అనే ఆలోచనే ఉద్వేగంగా ఉంది అని చెప్పింది.

‘డాన్‌ 2’లో రోమా పాత్రలో ప్రియాంకా చోప్రా అద్భుతంగా నటించింది. అయితే ‘డాన్‌’ మూడో భాగంలో ఆడిషన్‌ ఇచ్చే అవకాశం కోసం ఎదురు చూస్తున్నాను అని చెప్పింది. యాక్షన్‌, డ్యాన్స్‌, కామెడీ ఉన్న సినిమాలో నటించాలనేది ఎప్పట్నుంచో నా కోరిక అంటూ ఈ సినిమాలో తాను భాగమైనట్లు ఇన్‌డైరెక్ట్‌గా చెప్పింది. మరి నిజంగా ఆమె ఉందా లేదా అనేది త్వరలో తెలుస్తుంది.

జవాన్ సినిమా రివ్యూ & రేటింగ్!

మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!