Sonali Bendre: ఆ చెత్త ట్రెండ్ ఇప్పటికీ ఉంది.. సోనాలి బింద్రే కామెంట్స్ వైరల్!

టాలీవుడ్ ఇండస్ట్రీలో ఒక వెలుగు వెలిగిన హీరోయిన్లలో సోనాలి బింద్రే (Sonali Bendre) ఒకరు. ఇంద్ర (Indra), మన్మథుడు సినిమాలు ఆమె కెరీర్ లో స్పెషల్ సినిమాలు అని చెప్పవచ్చు. పలనాటి బ్రహ్మనాయుడు (Palnati Brahmanayudu) సినిమాలో ఆమె నెగిటివ్ షేడ్స్ ఉన్న రోల్ లో నటించి ఆకట్టుకున్నారు. ఈ సినిమా ఆశించిన రేంజ్ లో సక్సెస్ కాకపోయినా సోనాలి బింద్రే పాత్రకు మంచి పేరు వచ్చింది. పెళ్లి తర్వాత సోనాలి బింద్రే సినిమాలకు దూరమయ్యారు. ది బ్రోకెన్ న్యూస్ సీజన్2 ప్రమోషన్స్ లో భాగంగా సోనాలి బింద్రే సినిమా ఇండస్ట్రీలోని పరిస్థితులకు సంబంధించి ఆసక్తికర విషయాలను చెప్పుకొచ్చారు.

తాను 1994 సంవత్సరంలో సినిమా ఇండస్ట్రీలోకి వచ్చానని ఆమె అన్నారు. ప్రస్తుత పరిస్థితులతో పోల్చి చూస్తే అప్పటి పరిస్థితులు పూర్తి భిన్నంగా ఉండేవని సోనాలి కామెంట్లు చేశారు. ఎంతోమంది సహనటులతో రూమర్లను సృష్టించారని సోనాలి బింద్రే వెల్లడించారు. వైరల్ అయిన ఆ రూమర్లలో ఏ మాత్రం నిజం లేదని సోనాలి బింద్రే చెప్పుకొచ్చారు. ఈ చెత్త ట్రెండ్ ఇప్పటికీ సినిమా రంగంలో కొనసాగుతోందని ఆమె తెలిపారు.

అప్పట్లో సినిమా నిర్మాతలే ఈ తరహా రూమర్లను క్రియేట్ చేసేవారని సోనాలి బింద్రే షాకింగ్ కామెంట్స్ చేశారు. సినిమాల ప్రమోషన్స్ కోసం ఈ విధంగా చేసేవారని తెలిసి నేను ఆశ్చర్యానికి గురయ్యానని ఆమె వెల్లడించారు. సినిమా రంగంలోకి వచ్చిన కొత్తలో స్లిమ్ గా ఉన్నందుకు అందరూ హేళన చేసేవారని సోనాలి బింద్రే అన్నారు. నేను ఇండస్ట్రీలోకి వచ్చిన సమయంలో హీరోయిన్లు కొంచెం బొద్దుగా ఉండేవారని ఆమె పేర్కొన్నారు.

వాళ్లతో పోలిస్తే నేను స్లిమ్ గా ఉండటంతో కొందరు నిర్మాతలు ఈ విషయాన్ని నా మొహం మీదే చెప్పేవారని సోనాలి బింద్రే చెప్పుకొచ్చారు. ఆ కామెంట్లను నేను పట్టించుకోలేదని సోనాలి అన్నారు. నేను స్టార్ హీరోయిన్ గా కొనసాగుతానని ఎప్పుడూ ఫీలవ్వలేదని ఆమె కామెంట్లు చేయడం గమనార్హం.