దివంగత గాయకుడు ఎస్పీ బాలు గురించి కొత్తగా పరిచయం చేయాల్సిన అవసరం లేదు. ఎస్పీ బాలు పాడిన పాటలలో ఎన్నో సూపర్ హిట్ పాటలు ఉన్నాయి. తన సినీ కెరీర్ లో ఎస్పీ బాలు ఏకంగా 50,000కు పైగా పాటలు పాడారు. ఈ జనరేషన్ ప్రేక్షకులు సైతం ఎస్పీ బాలు పాటలను ఎంతగానో ఇష్టపడతారనే సంగతి తెలిసిందే. అయితే ఎస్పీ బాలు తీసుకున్న తొలి రెమ్యునరేషన్ ఎంతో తెలిస్తే మాత్రం ఒకింత ఆశ్చర్యానికి గురి కావాల్సిందేనని చెప్పవచ్చు.
ఎస్పీ బాలు జీవించి ఉన్న సమయంలో ఒక ఇంటర్వ్యూలో మాట్లాడుతూ షాకింగ్ విషయాలను వెల్లడించారు. శ్రీశ్రీశ్రీ మర్యాదరామన్న సినిమాకు 300 రూపాయల రెమ్యునరేషన్ ఇచ్చారని ఆయన తెలిపారు. ఆరోజుల్లో ఘంటసాల గారు 500 రూపాయలు తీసుకున్నారని ఎస్పీ బాలు కామెంట్ చేశారు. మా నాన్న నాకు నెలకు 80 రూపాయలు పంపేవారని ఆయన చెప్పుకొచ్చారు. 300 రూపాయలు రెమ్యునరేషన్ తీసుకోవడంతో నాలుగు నెలల పాటు నాన్నను డబ్బులు అడగాల్సిన అవసరం లేదని అనిపించిందని బాలు కామెంట్లు చేశారు.
ఆ సమయంలో స్నేహితునితో కలిసి వుడ్ ల్యాండ్స్ కు వెళ్లి మసాలా దోశ, గులాబ్ జామూన్ తిన్నామని ఆయన చెప్పుకొచ్చారు. ఆరోజు జేమ్స్ బాండ్ సినిమాకు రూపాయి పావలా టికెట్ తీసుకొని వెళ్లామని ఎస్పీ బాలు వెల్లడించడం గమనార్హం. ఆ పాట తర్వాత నేను కన్నడ పాట పాడానని ఆ పాటకు 150 రూపాయలు రెమ్యునరేషన్ దక్కిందని ఆయన తెలిపారు. ఆ తర్వాత నాన్నకు ఇంటికి డబ్బులు పంపే శక్తి వచ్చిందని ఎస్పీ బాలు చెప్పుకొచ్చారు.
అప్పట్లో పెద్ద పారితోషికం అంటే 500 రూపాయలు అని చెక్ రూపంలో నేను ఆ మొత్తాన్ని అందుకున్నానని ఎస్పీ బాలు పేర్కొన్నారు. (Sp Balasubrahmanyam) ఎస్పీ బాలు చెప్పిన విషయాలు సోషల్ మీడియాలో వైరల్ అవుతున్నాయి.
రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!
గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?
Home