ఎవరు నిర్మిస్తున్న సినిమాలను వాళ్లు పొగుడుకోవడం పెద్ద విషయమేమీ కాదు. మన నిర్మాతలు చాలా మంది ఇదే పని కొన్నేళ్లుగా చేస్తూనే ఉన్నారు. సినిమా విడుదలయ్యాక సక్సెస్‌ మీట్‌ పెడితే అక్కడికి వచ్చే మిగిలిన నిర్మాతలు ఈ మాట అనడమూ చూసి ఉంటారు. అయితే సినిమా సెట్స్‌ మీద ఉండగానే ఓ నిర్మాత వచ్చి మరో నిర్మాత సినిమాను పొగడటం కొత్తే కదా. అదేంటి అనుకుంటున్నారా? పొగిడిన నిర్మాత నెక్స్ట్‌ సినిమా హీరో..
ఇప్పుడు పొగిడిన సినిమా హీరో ఒక్కడే. ఆ హీరోనే ప్రభాస్‌ (Prabhas) . ఇక పొగిడిన నిర్మాత భూషణ్‌ కుమార్‌. పొగిడించుకున్న సినిమా ‘ది రాజా సాబ్‌’(The Rajasaab). ఇక పొగిడిన ఆయన తీస్తున్న సినిమా ‘స్పిరిట్’ (Spirit) అని మీకు ప్రత్యేకంగా చెప్పక్కర్లేదు అనుకుంటున్నాం. ‘ది రాజా సాబ్‌’ ఇటీవల చిన్న సినిమా నుండి పెద్ద సినిమాగా కన్వర్ట్‌ అయింది. ఈ నేపథ్యంలో సినిమా భూషణ్‌ కుమార్‌ హై ఇచ్చారు. ప్రభాస్‌ కొత్త సినిమాలపై ప్రముఖ నిర్మాత భూషణ్‌ కుమార్‌ (Bhushan Kumar) ఇటీవల ఆసక్తికర వ్యాఖ్యలు చేశారు.
ఓ ఇంటర్వ్యూలో పాల్గొన్న ఆయన ‘ది రాజాసాబ్‌’ గురించి మాట్లాడుతూ ‘‘నేను కొన్ని సీన్స్‌ చూశాను. విజువల్స్‌ అద్భుతంగా ఉన్నాయి. హాలీవుడ్‌ సినిమా ‘హ్యారీపోటర్‌’ను తలపించేలా ఆ సన్నివేశాలను తెరకెక్కించారు’’ అని పొగిడేశారు భూషణ్‌ కుమార్‌. ఇప్పటికే ఓ టీజర్‌ విడుదల చేయగా.. అందులో ఓల్డ్‌ ప్రభాస్‌ విత్‌ డెవిల్‌ అట్మాస్పియర్‌ కనిపించింది. ఇక భూషణ్‌ కుమార్‌ తన ‘స్పిరిట్’ సినిమా గురించి మాట్లాడుతూ వచ్చే ఏడాది మొదటల్లో రెగ్యులర్‌ షూటింగ్‌ మొదలుపెడతామని తెలిపారు.
అయితే డిసెంబరులో లాంఛనంగా సినిమాను ప్రారంభిస్తామి చెప్పారు. పోలీసు కథా నేపథ్యంతో విభిన్న జానర్‌లో సినిమా సాగుతుందని, ప్రముఖ నటులు చాలామంది ఈ సినిమాలో భాగం అవుతారన, త్వరలోనే వారి వివరాలు వెల్లడిస్తామని చెప్పారు. ఇక ‘ది రాజా సాబ్‌’ సినిమాను వచ్చే ఏడాది ఏప్రిల్‌ 10న విడుదల చేయనుండగా.. అన్నీ అనుకున్నట్లుగా జరిగితే ‘స్పిరిట్’ సినిమా 2026 ఆఖరున వస్తుంది అని అంటున్నారు.
