SPY Trailer: గూజ్ బంప్స్ తెప్పిస్తున్న నిఖిల్ ‘స్పై’ ట్రైలర్..!

యువ కథానాయకుడు నిఖిల్ ‘కార్తికేయ 2 ‘ తో పాన్ ఇండియా ఇమేజ్ ను సొంతం చేసుకున్నాడు. నార్త్ లో అతని సినిమాలకి మంచి డిమాండ్ ఏర్పడింది. త్వరలో మరో పాన్ ఇండియా సినిమాతో రాబోతున్నాడు. అదే ‘స్పై’. జూన్ 29 న ఈ మూవీ ప్రేక్షకుల ముందుకు రానుంది. గ్యారీ బీహెచ్ దర్శకుడిగా పరిచయమవుతూ చేసిన ఈ మూవీని ‘ఈడీ ఎంటర్టైన్మెంట్స్’ బ్యానర్ పై కె రాజశేఖర్ రెడ్డి నిర్మించారు. ది గ్రేట్ ఫ్రీడమ్ ఫైటర్ సుభాష్ చంద్రబోస్ డెత్ మిస్టరీ ఆధారంగా తెరకెక్కిన మూవీ ఇది.

రెండో ప్రపంచ యుద్ధంలో ఆజాద్ హింద్ ఫౌజ్ ను స్థాపించి, లక్షలాది మంది సామాన్యులను సైనికులుగా తయారు చేసి వారిలో యుద్ధ స్పూర్తిని నింపారు సుభాష్ చంద్రబోస్. అలాంటి గొప్ప వ్యక్తి 1945లో ప్లేన్ క్రాష్ అయ్యి చనిపోయినట్లు మనం చిన్నప్పుడు చదువుకున్నాం. కానీ అది కవరప్ స్టోరీ అని ‘స్పై’ టీజర్ లో చెప్పడంతో.. అందరిలోనూ ఈ సినిమా పై ఆసక్తి నెలకొంది. ఆ ఆసక్తిని మరింతగా పెంచుతూ కొద్దిసేపటి క్రితం ట్రైలర్ ను విడుదల చేశారు మేకర్స్.

ఇక ఈ ట్రైలర్ 2 నిమిషాల 4 సెకన్ల నిడివి కలిగి ఉంది. ‘చరిత్ర మనకు ఎప్పుడూ నిజం చెప్పదు’ అనే డైలాగ్ తో ట్రైలర్ మొదలైంది. ఆధ్యంతం ఉత్కంఠభరితంగా సాగింది ట్రైలర్. సీనియర్ నటుడు ఆర్యన్ రాజేష్ ఈ చిత్రంలో కీలక పాత్ర పోషిస్తున్నాడు. అతను నిఖిల్ కు అన్నయ్యగా కనిపించబోతున్నట్టు స్పష్టమవుతుంది. ట్రైలర్ చివర్లో రానా కనిపించి సర్ప్రైజ్ చేశాడు. ‘స్వాతంత్య్రం అంటే ఒకరు ఇచ్చేది కాదు లాక్కునేది.. ‘ అంటూ అతను చెప్పిన డైలాగ్ ఆకట్టుకుంటుంది.

ఇక వంశీ పచ్చిపులుసు, మార్క్ డేవిడ్ ల విజువల్స్ టాప్ నాచ్ లో ఉన్నాయి. శ్రీచరణ్ పాకాల, విశాల్ చంద్రశేఖర్ లు అందించిన బ్యాక్ గ్రౌండ్ స్కోర్ కూడా ట్రైలర్ కి హైలెట్ గా నిలిచింది అని చెప్పాలి. ప్రొడక్షన్ వాల్యూస్ కూడా చాలా రిచ్ గా కనిపిస్తున్నాయి. నిర్మాత ఎంతో ప్యాషన్ తో ఈ చిత్రాన్ని రూపొందించినట్టు స్పష్టమవుతుంది.ఈ ట్రైలర్ (SPY) సినిమా పై ఉన్న అంచనాలను డబుల్ చేసిందని చెప్పాలి. మీరు కూడా ఓ లుక్కేయండి :

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్