తనకు, ఇండస్ట్రీకి అత్యవసరం అయినప్పుడు షారుఖ్‌ ఖాన్‌కు హెల్ప్‌ చేశాడు సల్మాన్ ఖాన్‌. ఇండస్ట్రీకి సరైన విజయం కావాలి… కెరీర్‌కు కీలకమైన సమయంలో ‘పఠాన్’ చేశాడు షారుఖ్‌. ఆ సినిమాలో ఓ 15 నిమిషాలపాటు అతిథి పాత్రలో కనిపించి మెప్పించాడు సల్మాన్ ఖాన్‌. ఇప్పుడు దానికి థ్యాంక్స్‌ చెప్పడానికి, సల్మాన్ సినిమాలో షారుఖ్‌ ఖాన్‌ గెస్ట్‌ రోల్‌ చేశాడు. ‘టైగర్ 3’ సినిమాలో సల్మాన్ అతిథి పాత్రలో నటించాడని ఇప్పటికే విషయం బయటకు వచ్చింది. అలాగే మరో విషయం కూడా బయటకు వచ్చింది.
ప్రస్తుతం దేశంలో సినిమాటిక్‌ యూనివర్స్‌ల జోరు కొనసాగుతోంది. లోకేశ్‌ కనగరాజ్‌ ఈ పనిని సీరియస్‌గా చేస్తున్నారు. ప్రశాంత్‌ నీల్‌, సుజీత్‌ లాంటి మరికొంత మంది దర్శకులు ఇలాంటి ప్రయత్నాల్లో ఉన్నారని టాక్‌. అయితే బాలీవుడ్‌లో చాలా ఏళ్ల క్రితమే సినిమాటిక్‌ యూనివర్స్‌కి ప్రయత్నం చేశారు. అయితే మొన్నీమధ్య వరకు దీన్ని సిరీస్‌ అని అన్నారు. ఇప్పుడు సినిమాటిక్‌ యూనివర్స్‌ అని అంటున్నారు. అదే వైఆర్ఎఫ్ సినిమాటిక్‌ యూనివర్స్‌.
ఈ సిరీస్‌లో భాగంగానే ‘టైగర్ 3’ (Tiger3) సినిమాను రిలీజ్‌ చేస్తున్నారు. నవంబరు 12న విడుదలవుతున్న ఈ సినిమాలో షారుఖ్‌ ఖాన్‌, సల్మాన్ ఖాన్‌తోపాటు మరో హీరో కూడా ఉంటాడు అని చెబుతున్నారు. ఈ క్రమంలో వైఆర్ఎఫ్ యూనివర్స్‌ ఎక్స్‌పాండ్‌ అవుతుందని చెబుతున్నారు. ‘టైగర్ 3’ సినిమాలో ‘షోలే’ బైకు మీద రోడ్ల డ్రైవ్‌ చేసుకుంటూ.. రకరకాల విన్యాసాలతో విలన్ ఇమ్రాన్ హష్మీ గ్యాంగ్‌ని ఓ ఆటాడుకుంటారట.
అయితే ఈ సన్నివేశంలోనే హృతిక్‌ రోషన్‌ కూడా యాడ్‌ అవుతారని తెలుస్తోంది. ‘టైగర్ జిందా హై’, ‘వార్’, ‘పఠాన్’ సినిమాలను ఇక్కడే కలుపుతారు అని అంటున్నారు. ‘వార్ 2’ తర్వాత ఈ యూనివర్స్‌లోకి ఎన్టీఆర్‌ కూడా వస్తాడు అంటున్నారు. ఆ లెక్కన ఈ సిరీస్‌లో ఇంకా టైగర్ ష్రాఫ్‌ ఒక్కడే మిస్సింగ్‌. అతడిని కూడా ఎక్కడైనా యాడ్‌ చేస్తారేమో చూడాలి.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
