ఖరారైన స్పైడర్ సెకండ్ టీజర్, ట్రైలర్ రిలీజ్ డేట్స్

మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న స్పైడర్ మూవీ టీజర్ గత నెల మొదటి తేదీన రిలీజ్ అయి విశేషంగా ఆకట్టుకుంది. రోబో స్పైడర్ మహేష్ బాబు పై పాకే గ్రాఫిక్ సీన్ బాగున్నప్పటికీ, సినిమాలోని షాట్స్ చూడాలని అభిమానులు కోరుకున్నారు. వారి కోసం మురుగదాస్ బృందం సెకండ్ టీజర్ ని సిద్ధం చేసింది. ఇందులో మూవీలోని సన్నివేశాలను చూపించనున్నారు. ఒక నిముషం నిడివిగల రెండో టీజర్ ని మహేష్ బాబు పుట్టిన రోజు సందర్భంగా ఆగస్టు 9 న రిలీజ్ చేయనున్నట్లు తెలిసింది. ట్రైలర్ రిలీజ్ తేదీ కూడా ఖరారు అయింది. ఆగస్టు 23 విడుదల చేయనున్నట్లు ఫిలిం నగర్ వాసులు చెబుతున్నారు.

హరీష్ జయరాజ్ కంపోజ్ చేసిన పాటల్లో బూమ్ బూమ్ ఫాస్ట్ సింగిల్ ని గతవారం చిత్ర బృందం రిలీజ్ చేసింది. ఆల్బం లోని రెండో పాటని ఆగస్టు 15 వ తేదీన విడుదల చేయనున్నారు. ఏకకాలంలో తెలుగు, తమిళ భాషల్లో నిర్మితమవుతున్న ఈ చిత్రంలో మహేష్ ఇంటెలిజన్స్ ఆఫీసర్ గా కనిపించనున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ చిత్రం సెప్టెంబర్ 27 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.