స్పైడర్ మూవీకి ఇతర పరిశ్రమల్లో భారీ క్రేజ్

సూపర్ స్టార్ మహేష్ బాబు సినిమాకి తెలుగు చిత్ర పరిశ్రమలో క్రేజ్ ఉండడం మామూలే. కానీ ఇతర పరిశ్రమల్లో కూడా అతని సినిమాకి క్రేజ్ ఏర్పడింది. మురుగదాస్ దర్శకత్వంలో మహేష్ బాబు నటిస్తున్న స్పైడర్ మూవీ ఒక పాట మినహా షూటింగ్ మొత్తం పూర్తి అయింది. ప్రీ ప్రొడక్షన్ వర్క్ వేగంగా జరుపుకుంటున్న ఈ మూవీ ప్రీ రిలీజ్ బిజినెస్ జోరుగా సాగుతోంది. స్పైడర్ తమిళ వెర్షన్ థియేటర్ రైట్స్ ని లైకా ప్రొడక్షన్ వారు 23 కోట్లకు కొనుగోలు చేశారు. నిన్న ఈ వార్త బయటికి వచ్చింది. ఈ రోజు హిందీ వెర్షన్ కూడా అమ్ముడుపోయినట్లు తెలిసింది.

” కరణ్ జోహార్ – ఏ ఏ ఫిలిమ్స్ ” భారీ మొత్తం చెల్లించి స్పైడర్ ని సొంతం చేసుకున్నట్లు సమాచారం. హిందీ, మలయాళ వెర్షన్ కలిపి 25 కోట్లు పలికిందని ఫిలిం నగర్ వాసులు చెబుతున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ చిత్రం సెప్టెంబర్ 27 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.