నేటితో ప్రొడక్షన్ వర్క్ కంప్లీట్ చేసుకున్న స్పైడర్!

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా ఒక పాట మినహా షూటింగ్ మొత్తం కంప్లీట్ చేసుకున్న సంగతి తెలిసిందే. ఆ పాట షూటింగ్ ని రొమేనియా(లండన్) లోని అందమైన లొకేషన్లో మహేష్, రకుల్ పై ప్రారంభించారు. శోభి కొరియోగ్రఫీ చేసిన ఈ సాంగ్ నేటితో చిత్రీకరణ పూర్తి చేసుకుంది. కొన్ని క్షణాల క్రితం “బై బై రొమేనియా ” అంటూ రకుల్ సోషల్ మీడియాలో పోస్ట్ చేసింది. దీంతో  స్పైడర్ ప్రొడక్షన్ వర్క్ మొత్తం కంప్లీట్ అయినట్లే. రేపటికి హైదరాబాద్ కి చేరుకోనున్న మహేష్ .. ఒక్కరోజు కూడా రెస్ట్ తీసుకోకుండా “భరత్ అనే నేను” సినిమా షూటింగ్ లో పాల్గొననున్నారు.

కొరటాల శివ దర్శకత్వంలో రూపుదిద్దుకుంటున్న ఈ మూవీ కోసం సారధి స్టూడియోలో అసెంబ్లీ సెట్ వేశారు. జనతా గ్యారేజ్ సెట్ ని కూడా కొరటాల ఈ స్టూడియోలోనే వేశారు. ఆ సినిమా హిట్ కావడంతో అదే సెంటిమెంట్ తో అసెంబ్లీ సెట్ కూడా వేయించినట్లు సమాచారం. ఇక్కడ కీలక సీన్లు చిత్రీకరించనున్నారు.  ఇక స్పైడర్ విషయానికి వస్తే సెప్టెంబర్ 27 న గ్రాండ్ గా రిలీజ్ కానుంది. ఈ సినిమా ఆడియో వేడుకను చెన్నైలో సెప్టెంబర్ 10 న నిర్వహించనున్నారు.

Also, do SUBSCRIBE to our YouTube channel to get latest Tollywood updates.