స్పైడర్ చివరి షెడ్యూల్ కి రెడీ అవుతున్న మహేష్

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న స్పైడర్  షూటింగ్ దాదాపు పూర్తికావచ్చింది. ఏక కాలంలో తెలుగు, తమిళ భాషల్లో తెరకెక్కుతున్న ఈ సినిమా టీజర్ ఈనెల ఒకటవ తేదీన రిలీజ్ అయి విశేషంగా ఆకట్టుకుంది. ఇన్వెస్ట్ గేషన్ ఆఫీసర్ గా మహేష్ నటిస్తున్న ఈ మూవీ చివరి షెడ్యూల్ డేట్ ఫిక్స్ చేశారు. ఈ నెల 13వ తేదీ నుంచి నాలుగు రోజుల పాటు జరిపే ఈ షెడ్యూ ల్ తో టాకీ పార్ట్ పూర్తవుతుంది. ఇక మిగిలిన రెండు పాటలను జూలై లో చిత్రీకరించనున్నారు.

ఫిట్ బ్యూటీ రకుల్ ప్రీత్ సింగ్ హీరోయిన్ గా, తమిళ దర్శకుడు ఎస్.జె. సూర్య విలన్ గా నటిస్తున్న ఈ చిత్రానికి జాతీయ అవార్డు గ్రహీత సంతోష్ శివన్ సినిమాటోగ్రాఫర్ గా పనిచేస్తున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పీ, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ వందకోట్ల బడ్జెట్ తో నిర్మిస్తున్న ఈ చిత్రంపై భారీ అంచనాలున్నాయి. హరీష్ జయరాజ్ సంగీతమందిస్తున్న స్పైడర్ దసరాకి థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.