డిజిటల్ వ్యూస్ లో కొత్త రికార్డ్ నెలకొల్పిన స్పైడర్ టీజర్

కమర్షియల్ డైరక్టర్ మురుగదాస్ దర్శకత్వంలో సూపర్‌స్టార్‌ మహేష్‌బాబు చేస్తున్న “స్పైడర్‌” పై క్రేజ్ ఉందని గిల్మ్ప్స్ ఆఫ్ స్పైడర్ రిలీజ్ సమయంలోనే స్పష్టమైంది. ఈ వీడియో కేవలం యూట్యూబ్ లోనే 14 మిలియన్ వ్యూస్ రాబట్టి ఆశ్చర్యపరిచింది. మహేష్ పుట్టిన రోజు సందర్భంగా బుధవారం విడుదలైన టీజర్ కి అంతకంటే ఎక్కువ స్పందన వచ్చింది. 70 సెకన్ల తెలుగు టీజర్‌ కి యూట్యూబ్ లో 5 మిలియన్ వ్యూస్ వచ్చాయి. అలాగే తమిళ వెర్షన్ కి 3 మిలియన్ వచ్చింది. ఫేస్ బుక్ లో మూడు మిలియన్ వ్యూస్ క్రాస్ చేసింది. మొత్తం మీదా స్పైడర్ టీజర్ డిజిటల్ వ్యూస్ 10 మిలియన్‌ మార్క్‌ను దాటి రికార్డ్ సృష్టించింది.

ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ సినిమా ఒక పాట మినహా షూటింగ్ మొత్తం పూర్తి చేసుకుంది. ఈ పాటను ఆగస్టు 23 నుంచి రొమేనియాలో చిత్రీకరించనున్నారు. మహేష్ ఇంటెలిజన్స్ ఆఫీసర్ గా నటిస్తున్న ఈ సినిమా సెప్టెంబర్‌ 27న ప్రేక్షకుల ముందుకు రానుంది.

Also, do SUBSCRIBE to our YouTube channel to get latest Tollywood updates.