SR Kalyanamandapam Movie: చిన్న సినిమాకి భలే బేరం!

కరోనా సెకండ్ ఫేజ్ తరువాత వస్తున్న సినిమాల మీద డిస్ట్రిబ్యూటర్ల దృష్టి పడింది. ఇన్ సైడ్ టాక్ కొంచెం బాగున్నప్పటికీ మంచి ధరకు సినిమాను కొంటున్నారు. ఈ క్రమంలో ఓ చిన్న సినిమాని మంచి రేటు పెట్టి కొన్నట్లు తెలుస్తోంది. ‘రాజావారు రాణిగారు’ ఫేమ్ కిరణ్ అబ్బవరం, ప్రియాంక జవాల్కర్ జంటగా నటించిన నూతన చిత్రం ‘ఎస్ ఆర్ కళ్యాణమండపం’. దర్శకుడు శ్రీధర్ రొమాంటిక్ ఎంటర్టైనర్ గా ఈ సినిమాను తెరకెక్కించారు.

ఆ మధ్య ఈ సినిమా నుండి రెండు పాటలను విడుదల చేశారు. వీటికి యూట్యూబ్ లో మిలియన్స్ వ్యూస్ వచ్చాయి. సోషల్ మీడియాలో కూడా బాగా ట్రెండ్ అయ్యాయి. దీంతో ఇప్పుడు ఈ సినిమాకి మంచి రేటు పలికింది. ఇప్పటికే అమ్మకాలన్నీ జరిగిపోయినట్లు తెలుస్తోంది. ఆంద్ర ప్రాంతంలో రూ.2.80 కోట్ల రేషియోలో.. నైజాంలో రూ.1.80 కోట్లకు థియేట్రికల్ రైట్స్ ను విక్రయించినట్లు తెలుస్తోంది. అందుకే ఆగస్టు 6న సినిమాను విడుదల చేయడానికి ముందుకొచ్చారు.

అతి తక్కువ బడ్జెట్ లో తెరకెక్కిన ఈ సినిమాకి ఈ రేంజ్ లో బిజినెస్ జరగడం విశేషమనే చెప్పాలి. పైగా సినిమాలో స్టార్ క్యాస్ట్ కూడా లేదు. సీనియర్ నటుడు సాయి కుమార్ మాత్రం సినిమాలో కీలకపాత్ర పోషించినట్లు తెలుస్తోంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్