శర్వానంద్ హీరోగా తెరకెక్కిన శ్రీకారం సినిమాకు దర్శకుడిగా పని చేసిన కిశోర్ రెడ్డికి టాలీవుడ్ ఇండస్ట్రీలో మంచి గుర్తింపు ఉంది. నేటి తరం యువతను శ్రీకారం సినిమా ఎంతగానో ఆకట్టుకుంది. అయితే దర్శకుడు కిశోర్ రెడ్డి పెళ్లి చేసుకుని కొత్త ప్రయాణాన్ని మొదలుపెట్టారు. మార్చి 1న తెల్లవారుజామున మూడు గంటల సమయంలో మామిడిపల్లి శ్రీ వెంకటేశ్వర స్వామి ఆలయంలో కిషోర్ రెడ్డి కృష్ణచైతన్యల పెళ్లి గ్రాండ్ గా జరిగింది.
దర్శకుడు కిశోర్ రెడ్డి భార్య కూడా టాలీవుడ్ సినీ అభిమానులకు సుపరిచితమైన వ్యక్తి కావడం గమనార్హం. రేడియో జాకీగా, యాంకర్ గా, యూట్యూబ్ ఇంటర్వ్యూల ద్వారా పాపులర్ అయిన కృష్ణచైతన్యను కిశోర్ రెడ్డి వివాహం చేసుకున్నారు. యాంకర్ కృష్ణచైతన్యను అభిమానులు కేసీ అని పిలుస్తారు. స్మైలీ క్వీన్ పేరుతో ఆర్జేగా వ్యవహరించిన ఆమెకు ప్రేక్షకుల్లో చెప్పుకోదగ్గ స్థాయిలో ఫ్యాన్ ఫాలోయింగ్ ఉంది.
కిశోర్ రెడ్డి దంపతుల ఫోటోలు నెట్టింట వైరల్ అవుతుండగా క్యూట్ కపుల్ అని మేడ్ ఫర్ ఈచ్ అదర్ అని నెటిజన్ల నుంచి కామెంట్లు వినిపిస్తున్నాయి. ఈ పెళ్లి వేడుకకు టాలీవుడ్ సినీ ప్రముఖులతో పాటు మీడియా మిత్రులు సైతం హాజరయ్యారు. ప్రస్తుతం సోషల్ మీడియాలో వైరల్ అవుతున్న ఫోటోలు రిసెప్షన్ ఫోటోలు కాగా పెళ్లి ఫోటోలు బయటకు రాలేదు. కిశోర్ రెడ్డి దర్శకుడిగా మరింత సక్సెస్ కావాలని నెటిజన్లు కామెంట్లు చేస్తున్నారు.
కిశోర్ రెడ్డి కృష్ణ చైతన్య (Krishna Chaitanya) కలకాలం సంతోషంగా ఉండాలని సినీ అభిమానులు కోరుకుంటున్నారు. ప్రస్తుతం పెళ్లిళ్ల సీజన్ కావడంతో పలువురు సెలబ్రిటీలు తమ పెళ్లికి సంబంధించిన ప్రకటనలు చేస్తున్నారు. కెరీర్ తొలినాళ్లలో పలు సినిమాలకు అసిస్టెంట్ డైరెక్టర్ గా పని చేసిన కిశోర్ రెడ్డి త్వరలో భవిష్యత్తు ప్రాజెక్ట్ లను ప్రకటిస్తారని తెలుస్తోంది.
పవర్ స్టార్ నిజంగానే రూ.100 కోట్ల ఆస్తులు అమ్మారా.. ఏమైందంటే?
‘ఆపరేషన్ వాలెంటైన్’ సెన్సార్ రివ్యూ వచ్చేసింది.. రన్ టైమ్ ఎంతంటే?
ఒకప్పుడు సన్నగా ఉండి ఇప్పుడు గుర్తుపట్టలేనంతగా మారిపోయిన 11 హీరోయిన్స్.!
